अमुलकुमार जैन, रायगड: राज्यात अत्याचाराच्या घटना वाढत आहेत. रायगडमधून एक धक्कादायक घटना समोर आली आहे. जिल्ह्यातील महाड तालुक्यात नराधम बापाने पोटच्या मुलीवरच लैंगिक अत्याचार केल्याची घटना घडली आहे. या प्रकरणी नराधम बापाविरुद्ध महाड शहर पोलीस ठाण्यात पिडीत मुलीच्या आईने तक्रार दाखल केली आहे. या प्रकाराने परिसरात खळबळ उडाली आहे.
महाडमधील पिता आणि मुलीच्या नात्याला काळिमा फासणारी घटना समोर आली आहे. या घटनेनं सर्वत्र संताप व्यक्त करण्यात येत आहे. मिळालेल्या माहितीनुसार, फिर्यादी आणि आरोपी हे नात्याने पती-पत्नी असून सन २०१९ मध्ये त्यांचे कौटुंबिक वाद होत असल्याने न्यायालयात त्यांचा दावा दाखल आहे. त्यामुळे ते एकाच घरात वेगवेगळे राहत असून आरोपी पती कामानिमित्त कुवेत येथे राहत होता. तसेच २० जुलै २०२४ रोजी आरोपी पती कुवेत येथून महाड येथे घरी आला होता. दिनांक १ ऑगस्ट २०२४ रोजी फिर्यादी आधार कार्ड शोधण्यासाठी गेले असता त्यांना फाईलमध्ये कोणतेही कागदपत्र आढळून आले नाहीत. याचाच जाब विचारण्यासाठी फिर्यादी गेल्या असता आरोपी पतीने पत्नीला शिवीगाळ करण्यास सुरुवात केली.
महाडमधील पिता आणि मुलीच्या नात्याला काळिमा फासणारी घटना समोर आली आहे. या घटनेनं सर्वत्र संताप व्यक्त करण्यात येत आहे. मिळालेल्या माहितीनुसार, फिर्यादी आणि आरोपी हे नात्याने पती-पत्नी असून सन २०१९ मध्ये त्यांचे कौटुंबिक वाद होत असल्याने न्यायालयात त्यांचा दावा दाखल आहे. त्यामुळे ते एकाच घरात वेगवेगळे राहत असून आरोपी पती कामानिमित्त कुवेत येथे राहत होता. तसेच २० जुलै २०२४ रोजी आरोपी पती कुवेत येथून महाड येथे घरी आला होता. दिनांक १ ऑगस्ट २०२४ रोजी फिर्यादी आधार कार्ड शोधण्यासाठी गेले असता त्यांना फाईलमध्ये कोणतेही कागदपत्र आढळून आले नाहीत. याचाच जाब विचारण्यासाठी फिर्यादी गेल्या असता आरोपी पतीने पत्नीला शिवीगाळ करण्यास सुरुवात केली.
यावेळी पीडित अल्पवयीन मुलीने तुम्ही शिव्या का देता असे विचारले. त्यावर आरोपीने तू माझी मुलगी नाहीस असे सांगून तिच्या मनामध्ये लज्जा उत्पन्न होईल असे कृत्य करण्यास सुरुवात केली. हे पाहताच आईने पीडित मुलीला हिसकावून थेट पोलीस ठाणे गाठलं आणि नराधम पती विरोधात तक्रार दाखल केली. पोलिसांनी घटनास्थळी धाव घेतली. महाड शहर पोलीस ठाणे येथे आरोपी खालीद तजमुल तांबे मूळ राहणार राजेवाडी, सध्या राहणार महाड याच्या विरोधात पॉक्सॉ अंतर्गत गुन्हा दाखल करण्यात आला आहे. या प्रकरणी उपविभागीय पोलीस अधिकारी शंकर काळे आणि पोलीस निरीक्षक संतोष जाधव यांच्या मार्गदर्शनाखाली पोलीस हवालदार सचिन गुरव या गुन्ह्याचा अधिक तपास करीत आहेत. या प्रकाराने मुलगी घाबरली होती.