देशमुखांच्या आरोपांना उत्तर देण्यासाठी भाजपने तुरुंगातून प्रवक्ता आणला, राऊतांची शेलकी टीका

मुंबई/पुणे : राष्ट्रवादी काँग्रेस : शरदचंद्र पवार पक्षाचे नेते आणि माजी गृहमंत्री अनिल देशमुख यांनी काही माहिती समोर आणताना उपमुख्यमंत्री देवेंद्र फडणवीस यांच्यावर आरोप केले होते. याला फडणवीसांनी उत्तर द्यायला हवं होतं, पण उत्तर देण्यासाठी त्यांनी तुरुंगातून प्रवक्ता पाठवला, अशा शब्दात ठाकरे गटाचे खासदार संजय राऊत यांनी सचिन वाझेच्या आरोपांवरुन भाजपवर टीकास्त्र सोडलं. अँटिलिया स्फोटकं आणि मनसुख हिरेन हत्या प्रकरणातील आरोपी आणि माजी पोलीस अधिकारी सचिन वाझे याने अनिल देशमुख यांच्यावर गंभीर आरोप केले आहेत. देशमुख गृहमंत्री असताना त्यांच्या पीएच्या माध्यमातून पैसे घेत, त्याचे पुरावे सीबीआयकडे असल्याचेही वाझे म्हणाला होता.

संजय राऊत काय म्हणाले?

सचिन वाझेने एका निरपराध व्यक्तीचा खून केला होता. देशाला हादरवणाऱ्या प्रकरणातील दोन मुख्य आरोपी – दोघेही पोलीस खात्यातले.. त्यातील एक मुख्य आरोपी, मुंबई पोलीस आयुक्त होते – त्यांना भाजपने क्लीन चिट दिली. उरलेले दोन आरोपी आता सुटलेत आणि सध्या मिंधे गटात आहेत, त्यांच्यासाठी काम करतात. कदाचित अंधेरीतून निवडणूक लढतील. दुसरे महात्मा अशा प्रकारे पत्र व्यवहार करतात. अनिल देशमुख यांनी काही माहिती समोर आणताना देवेंद्र फडणवीस यांच्यावर आरोप केले. याला फडणवीसांनी उत्तर द्यायला हवं, पण उत्तर देण्यासाठी त्यांनी तुरुंगातून प्रवक्ता पाठवला, हे देशात पहिल्यांदा पाहतोय. खून, दहशतवाद यातील एक आरोपी भाजपचा प्रवक्ता म्हणून काम करतोय, असं टीकास्त्र संजय राऊत यांनी सोडलं.

राजकारण आणि निवडणुका जिंकण्यासाठी सरकारमधील काही प्रमुख लोक गुंडांच्या टोळ्या आणि तुरुंगातील गुंडांचा वापर करत आहेत. तुरुंगात फोन जातात, सरकारचे प्रतिनिधी जातात. खून-दहशतवादातील आरोपीच्या वक्तव्याला इतकं महत्त्व दिलं जातंय याची खंत आङे. फडणवीसांच्या नेतृत्वातील भाजपच्या एका टोळीने राजकारणाचा दर्जा खाली आणला आहे. त्यामुळे महाराष्ट्राची मान शरमेने खाली जात आहे, असं संजय राऊत म्हणाले.
Sachin Waze: अनिल देशमुख पीएच्या माध्यमातून पैसे घ्यायचे, CBIकडे पुरावे; सचिन वाझेचे खळबळजनक आरोप
सचिन वाझे सांगतो, की मी देवेंद्र फडणवीसांना पत्र लिहिलं आहे. या भाजप नेत्यांची नार्को करा, मग कळेल दहा वर्षात काय कांड केली आहेत. अनिल देशमुख, संजय राऊत, नवाब मलिक, अरविंद केजरीवाल, संजय सिंह ईडी-पोलिसांचा गैरवापर करुन अडकवण्यात आलं.
मुंबईचे त्यावेळचे पोलीस आयुक्त, या खटल्यातील मुख्य आरोपांना मोकळं सोडलं कारण त्यांनी अनिल देशमुखांवर आरोप केले, असा दावाही राऊत यांनी केला.

एका तुरुंगातील व्यक्तीने जयंत पाटलांचं नाव घेतंल, आम्ही असे दहा जण उभे करु, जे देवेंद्र फडणवीस, चंद्रशेखर बावनकुळे यांचं नाव घेतील. अमित शाहांचंही घेतील. शाहाही तुरुंगात जाऊन आलेत, या खटल्यातील एकाला वॉशिंग मशीनमध्ये टाकलंच आहे, आता वाझेलाही टाकतील. उलट फडणवीसांनी गृहमंत्री म्हणून समोर आलं पाहिजे होतं, की एका गुंडाच्या वक्तव्यावर विश्वास ठेवू नका, असं संजय राऊत म्हणाले.
MVA Dispute : नागपुरातील सहापैकी एकही मतदारसंघ मित्रपक्षांना सोडू नका, काँग्रेस नेत्यांच्या भूमिकेने खळबळ
कधी काळी सचिन वाझे आमच्या जवळचा होता, हे खरं आहे. पण तो एक काळ झाला, त्यावेळी एकनाथ शिंदेही आमच्या जवळचे होते आणि देवेंद्र फडणवीसही, अगदी अमित शाह, नरेंद्र मोदीही जवळचे होते. कोण कुठल्या पक्षात आहे, हे महत्त्वाचं नाही. पण मुंडा बिगडा गया, तो हम क्या करे. वर्तमानात बघा. आज ते कुठे आहेत आणि काय करतात पाहा, असंही राऊत म्हणाले.