Surya Sankraman 2024: 16 ऑगस्टला सूर्याचा सिंह राशीत प्रवेश होणार आहे. बुध आणि शुक्र आधीपासूनच सिंह राशीत भ्रमण करत आहेत. आता सूर्याच्या संक्रमणामुळे सिंह राशीत त्रिग्रही योग तयार होईल. तसेच तीन राजयोग तयार होतील. पहिला बुधादित्य, दुसरा शुक्र आदित्य आणि तिसरा लक्ष्मी नारायण राजयोग. यामुळे 16 ऑगस्टपासून मेष आणि कर्क राशीसह 5 राशींचा सुवर्णकाळ सुरू होणार आहे. या राशीच्या लोकांना संपत्ती, करिअरमध्ये लाभ मिळेल आणि अनेक अपूर्ण इच्छाही पूर्ण होतील. सुखसमाधान, धनसंपत्ती, प्रमोशन यामुळे अपार आनंद या राशींना होणार आहे. जाणून घेऊया सिंह राशीतील सूर्याचे संक्रमण कोणत्या राशीसाठी लाभदायक आहे. त्या भाग्यवान राशी कोणत्या आहेत.
मेष – संततीकडून आनंदाची बातमी
मेष राशीच्या लोकांसाठी पाचव्या स्थानी सूर्य संक्रमण होणार असून मेष राशीच्या जातकांना संततीकडून आनंंदाची बातमी मिळेल. तसेच मुलांसोबत तुमचा काही वाद सुरू असेल तर तो या काळात संपून जाईल. मुलांना शिक्षणसाठी परदेशात पाठवायची इच्छा आहे, त्यांना यश मिळेल. विद्यार्थ्यांना हा कालावधी फार शुभ राहील. उच्च शिक्षण मिळण्यात यश प्राप्त होईल. वैवाहिक जीवनात हा कालावधी फार चांगला राहील. तसेच जे अविवाहित आहेत, त्यांना विवाहाचे योग बनत आहेत. पण लवलाइफमध्ये सांभाळून राहा आणि आक्रमक होणे टाळले पाहिजे.
कर्क – गुंतवणुकीतून जबरदस्त लाभ
कर्क राशीच्या जातकांसाठी दुसऱ्या स्थानी म्हणजे धन भावात सूर्याचे संक्रमण होणार आहे. त्यामुळे तुमची आर्थिक स्थिती या काळात फार बळकट होईल. तसेच वडिलोपार्जित संपत्तीबद्दल जो वाद सुरू होता, तो संपून जाईल. तसेच कोर्ट कचेरीतील विषयांत तुम्हाला यश मिळेल. ही वेळ गुंतवणुकीसाठी फार चांगली राहील. या कालावधित केलेली गुंतवणूक भविष्यात तुम्हाला चांगला धनलाभ मिळवून देईल. तसेच व्यापार विस्तारासाठी तुम्ही जो खर्च कराल त्याता लाभ भविष्यात दुपटीने मिळणार आहे. नोकरदार व्यक्तींनाही या काळात मेहनतीचे फळ मिळेल. एकूणच नोकरदार आणि व्यापाऱ्यांना चांगला फायदा मिळणार आहे.
सिंह – आत्मविश्वास वाढेल
सिंह राशासाठी सुर्याचे संक्रमण लग्न स्थानी होत आहे. तसेच तुमच्या राशीत बुध, शुक्र आणि सूर्य हा त्रिग्रही योग बनत आहे. अशा स्थितीत तुमचा प्रभाव वाढणार आहे. तुमचाआत्मविश्वास द्विगुणीत होवून तुम्हाला दिलेले प्रत्येक काम तुम्ही सहज पूर्ण करणार आहात. तुमची प्रशंसा होणार आहे. भागीदारीत एखादा नवा व्यवसाय करू इच्छित असाल तर या काळात सुरू करावा. बुध आणि शुक्र सोबत असल्याने वेळ फार चांगली आहे. व्यापारात तुम्हाला उत्तम प्रगती दिसून येईल. तसेच तुम्हाला तुमच्या वडिलांकडूनही धनलाभ होईल. सिंह राशीच्या लोकांसाठी काळ सर्वोत्तम आहे.
वृश्चिक – आर्थिक बाजू मजबूत होईल
सूर्य संक्रमण वृश्चिक राशीसाठी १० व्या स्थानी म्हणजे कर्म स्थानी होणार आहे. यामुळे तुम्हाला नोकरीत पदोन्नती होण्याचे मजबूत योग आहेत. तसेच सरकारी क्षेत्रात तुम्हाला लाभ होण्याची शक्यता आहे. या काळात तुम्ही परदेशात प्रवासाला जाणार आहात. विवाहितांना सासरच्या बाजूने धनलाभ होतील. व्यापाऱ्यांच्या हाती फार चांगली डील लागेल, त्यामुळे तुमची आर्थिक स्थिती पहिल्यापेक्षा मजबूत होईल. प्रोजेक्ट पूर्ण होतील आणि नवीन प्रोजेक्ट मिळेल.
धनू – मानसन्मानात वाढ होईल
सूर्याचे संक्रमण धनू राशीसाठी ९ व्या म्हणजेच भाग्याच्या स्थानी होत आहे. या काळात धनु राशीच्या जातकांना नशिबाची पूर्ण साथ मिळेल. वडिलोपार्जित संपत्ती मिळण्याचे योग आहेत. धर्म आणि कर्मसंबंधित कामात तुमची रुची वाढेल. या काळात तुम्ही तीर्थ यात्रेलाही जाल, तुमच्यासाठी तीर्थ यात्रेचे योग आहेत. नोकरदारांना आणि व्यापाऱ्यांना कमी कष्टात जास्त लाभ मिळतील. जे लोक नोकरीत बदल करण्याचा प्रयत्न करत आहेत, त्यांना अधिक यश मिळेल. कार्यस्थळी तुमच्या मानसन्मानात वाढ होताना दिसेल.