Nagpanchami 2024 Date : श्रावण महिना सुरु झाला की, अनेक सण आणि उत्सावाला सुरुवात होते. या महिन्यातील पहिला आणि खास सण नागपंचमी. यंदा नागपंचमी ९ ऑगस्टला शुक्रवारी असणार आहे. ग्रहांच्या शुभ संयोगामध्ये नागपंचमीच्या दिवशी तुळसह ५ राशींवर शंकराची अमाप कृपा राहिल. जाणून घेऊया ५ राशींना नागपंचमीला कसा फायदा ठरेल.
श्रावण महिना सुरु झाला की, अनेक सण आणि उत्सावाला सुरुवात होते. या महिन्यातील पहिला आणि खास सण नागपंचमी. यंदा नागपंचमी ९ ऑगस्टला शुक्रवारी असणार आहे.
नागपंचमीला सिद्धी योग आणि साध्य योग तयार होत आहे. या दिवशी भगवान शंकर आणि पार्वतींसोबत पृथ्वीवर वास करतात. तसेच या दिवशी शुक्र आणि बुधच्या संयोगाने लक्ष्मी नारायण योग तयार होत आहे. तसेच कुंभ राशीत शनि गेल्यामुळे शश राजयोग तयार होत आहे. ग्रहांच्या शुभ संयोगामध्ये नागपंचमीच्या दिवशी तुळसह ५ राशींवर शंकराची अमाप कृपा राहिल. जाणून घेऊया ५ राशींना नागपंचमीला कसा फायदा ठरेल.
मेष – नोकरीच्या संधी
मेष राशीच्या लोकांना या काळात नोकरीच्या नव्या संधी मिळतील. रखडलेल्या कामापासून सुटका मिळेल. कोर्टातील कामात यश मिळाल्याने आनंद होईल. व्यवसायासंबंधी काही नवीन कल्पनांवर काम कराल. अचानक पैसे मिळाल्याने तुमची अनेक रखडलेली कामे पूर्ण होतील.
वृषभ – गुंतवणुकीतून नफा
वृषभ राशीच्या लोकांसाठी नागपंचीमचा दिवस अधिक शुभ ठरेल. तुमच्या करिअरला नवीन दिशा मिळणार आहे. कुटुंबातील लोकांमध्ये सामंजस्य वाढेल. वैवाहिक जीवन आनंदी राहिल. पूर्वी केलेल्या गुंतवणुकीतून तुम्हाला फायदा होऊ शकतो. प्रलंबित राहिलेली कामे पूर्ण केल्याने तुमचे आयुष्य मार्गी लागेल.
सिंह – नात्यात गोडवा राहिल.
सिंह राशीच्या लोकांना नशिबाची पूर्णपणे साथ मिळणार आहे. लवकरच तुमच्या उत्पन्नात वाढ होईल. ग्रहांच्या शुभ संयोग तुमच्या जीवनात प्रगती करेल. वैवाहिक जीवन सुखी राहिल. नात्यात गोडवा वाढल्याने कुटुंबात सुख-समृद्धी राहिल. कामाच्या ठिकाणी बॉससोबत चांगले जुळेल. बढती किंवा पगारवाढीची अपेक्षा आहे. नवीम नोकरीच्या संधी मिळतील त्यात निर्णय विचारपूर्वक घ्यावा.
तुळ – धनलाभ होईल
लक्ष्मीनारायण योगामुळे तुळ राशीच्या लोकांना लवकरच धनलाभ होऊ शकतो. त्यामुळे तुमच्या आनंदाला सीमा उरणार नाही. पार्टनरशीपमध्ये काम करणाऱ्या लोकांना नवीन योजनांवर काम करावे लागेल. भविष्यात तुम्हाला मोठा फायदा होऊ शकतो. जोडीदारासोबत चांगले पटल्याने वैवाहिक जीवनात आनंद वाढेल. व्यवसायात तुम्हाला अपेक्षित यश मिळू शकते. अविवाहित लोकांना मनासारखा जोडीदार मिळेल.
कुंभ – व्यवसायातील समस्या सुटतील
ग्रहांच्या युतीमुळे कुंभ राशीचे नशीब पालटणार आहे. उत्पन्नाचे अनेक नवीन स्तोत्र तयार होतील. कामाच्या ठिकाणी सहकाऱ्यांचे सहकार्य मिळेल. त्यामुळे तुमच्या प्रति आदर वाढू शकतो. अचानक धनलाभ झाल्याने व्यवसायातील समस्या सुटतील. पार्टनरशीपमध्ये काम पूर्वीपेक्षा चांगले राहिल.