२. ‘मराठा समाजाची ताकद दाखविण्यासाठी २९ ऑगस्टला आंतरवाली सराटी येथे बैठक आयोजित करण्यात आली असून, त्यामध्ये मराठा समाजाने निवडणूक लढायची की उमेदवारांना पाडायचे, याबाबत निर्णय घेणार आहे. तोपर्यंत कुणबी ही मराठा समाजाची पोटजात म्हणून जाहीर करण्यासह सर्व मागण्या मान्य करण्याची मुख्यमंत्री एकनाथ शिंदे व उपमुख्यमंत्री देवेंद्र फडणवीस यांना संधी आहे.
३. राज्य सरकार लोकाभिमुख निर्णय घेत असल्याने विरोधकांच्या प्रयत्नांना यश येणार नाही, अशा शब्दांत विधान परिषदेच्या उपसभापती डॉ. नीलम गोन्हे यांनी रविवारी नाशिकमध्ये विरोधकांवर टीका केली. एकनाथ शिंदे हेच पुन्हा मुख्यमंत्री होतील, असा विश्वासही त्यांनी व्यक्त केला. अधिक बातमी वाचा सविस्तर…
४. रेल्वे फाटक ओलांडताना होणारे अपघात टाळण्यासाठी सुमारे पाच वर्षांपूर्वी मुंबई महापालिका आणि मध्य रेल्वेने फाटक बंद करून विक्रोळी रेल्वे उड्डाणपुलाची उभारणी सुरू केली. मात्र, उड्डाणपुलाची रखडपट्टी सुरूच आहे. मे २०२४ पर्यंत उड्डाणपूल पूर्णत्वाचे उद्दिष्ट महापालिकेने ठेवले होते. आता या उड्डाणपुलासाठी मार्च २०२५ हा नवा मुहूर्त जाहीर करण्यात आला आहे.
५. लोकसभा निवडणुकीत राज्यात सपाटून मार खाणाऱ्या सत्ताधारी भारतीय जनता पक्षानं आता विधानसभा निवडणूक जिंकून राज्यातील सत्ता कायम ठेवण्यासाठी कंबर कसली आहे. सर्वेक्षणाच्या माध्यमातून जनमानसाचा कानोसा घेण्याचा प्रयत्न पक्षाकडून सुरु आहे. लोकसभेला भाजपनं बहुतांश मतदारसंघांमध्ये विद्यमान खासदारांना पुन्हा संधी दिली. पण दोन खासदार वगळता अन्य सगळ्यांचाच पराभव झाला. त्यातून धडा घेत आता विधानसभेला भाजप नव्या चेहऱ्यांना संधी देण्याच्या तयारीत आहे.
६. अवघ्या महिनाभराने लाडक्या गणरायाचे थाटात आगमन होणार असल्याने गणेशोत्सव मंडळांसह पोलिसांनीही नियोजन सुरू केले आहे. गतवर्षी प्रखर लेझरमुळे अनेक भाविकांच्या डोळ्यांना इजा झाल्याने यंदा लेझरवर थेट फुली मारण्यात आली असून, कोणत्याही मंडळाला डीजे वाजविण्यासदेखील परवानगी मिळणार नाही. त्यामुळे यंदा लेझरसह कर्णकर्कश आवाजाचे ‘विघ्नहरण’ होणार आहे. अधिक बातमी वाचा सविस्तर…
७. विक्रोळी येथील एका २० मजली इमारतीत चोरीचा प्रयत्न करणाऱ्या चोराचा पाय घसरून खाली पडल्याने मृत्यू झाल्याची घटना रविवारी पहाटे घडली. अक्षय अर्जुन बाईत असे २२ वर्षीय मृत चोराचे नाव असून या प्रकरणात विक्रोळी पोलिसांनी अपमृत्यूची नोंद केली आहे.
८. पॅरिस ऑलिम्पिकमध्ये कुस्तीपटू विनेश फोगाटने उल्लेखनीय कामगिरी केली. विनेशने फायनल सामन्यासाठी आपले स्थानही निश्चित केले परंतु तिला सामना खेळता आला नाही. जर विनेशने सामना खेळला असता तर नक्कीच भारताला कुस्तीमध्ये सुवर्णपदक मिळाले असते. सामन्याच्या आधी तिचे 100 ग्रॅम वजन अधिक असल्याने तिला महत्त्वाचा आणि फायनल सामना खेळता आला नाही.
९. अंकुश जितका गुणी अभिनेता आहे तितकाच तो कुशल दिग्दर्शकदेखील आहे. दिग्दर्शक मित्र केदार शिंदेला त्याने यापूर्वी अनेक चित्रपटांसाठी दिग्दर्शनात साहाय्यदेखील केलं आहे. सोबतच ‘साडे माडे तीन’, ‘झक्कास’, ‘नो एंट्री पुढे धोका आहे’ यासारख्या चित्रपटांचं दिग्दर्शनदेखील अंकुशनं केलं आहे. मधल्या काळात दिग्दर्शकाच्या खुर्चीपासून तो लांबच होता. परंतु आता दिग्दर्शकाच्या खुर्चीत अंकुशनं कमबॅक केलंय.
१०. गेल्या आठवड्यात भारतीय शेअर बाजारात प्रचंड मोठी चढ-उतार पाहायला मिळाले होते. परदेशातील घडामोडींमुळे देशांतर्गत शेअर मार्केटमध्ये पडझड नोंदवली गेली तर आठवड्याच्या शेवटची अमेरिकी शॉर्ट सेलर हिंडेनबर्ग रिसर्चच्या नव्या अहवालाने देशात पुन्हा एकदा भूकंप आणला ज्याचे पडसाद शेअर मार्केटमध्ये उमटण्याची भीती निर्माण झाली पण आठवड्याच्या सुरुवातीला भारतीय बाजारात घसरण नोंदवली जात आहे.