अदिती तटकरे म्हणाल्या कि मुख्यमंत्री माझी लाडकी बहीण योजनेसाठी ३१ ऑगस्टपर्यंतची मुदत हि अंतिम नसून अर्जाची प्रक्रिया निरंतर चालणार आहे. या योजनेचा लाभ ३१ ऑगस्ट नंतर पात्र लाभार्थ्यानाही मिळणार आहे. आत्तापर्यंत या योजनेसाठी १ कोटी ३५ लाख महिला पात्र ठरल्या असून त्यांच्या बँक खात्यात पैसे जमा होण्यात सुरुवात झाली आहे. ज्यांचे बँक खाते आधारकार्डशी लिंक नाहीत, त्यांची खाती लिंक करून झाल्या नंतर बँक खात्यात पैसे जमा होणार आहेत.
योजनेचे पैसे कोणत्या बँक अकाउंट मध्ये येणार
मुख्यमंत्री लाडकी बहीण योजनेला अर्ज केलेल्या बऱ्याच जणांकडे एकापेक्षा जास्त बँक अकाउंट आहेत परंतु कोणत्या बँक खात्यात आपली रक्कम जमा होणार आहे याबाबत संभ्रम निर्माण होण्याची शक्यता आहे. परंतू डीबीटीमार्फत पैसे घेण्यासाठी तुम्हाला कोणत्यातरी एकाच बँक अकाऊंटला आधारकार्ड लिंक करता येते.
– बँक खाते जाणून घ्या साठी या संकेतस्थळावर जा.
– https://myaadhaar.uidai.gov.in/ यात तुमचा १२ अंकी मोबाईल नंबर टाका आणि लॉगिन करा.
– त्यानंतर आधार क्रमांक टाकल्याने तुमच्या मोबाइल नंबर वर ओटीपी येईल तो टाकल्यानंतर त्यावर Bank Seeding Status असा पर्याय दिसेल. त्यावर क्लिक करा.
– यात तुमच्या आधारकार्डचे शेवटचे चार अंक दिसतील आणि बँकेचे नाव दिसेल. त्यानंतर तुम्हाला तुमचं आधार कार्ड कोणत्या बँकेला लिंक आहे ते दिसेल.
– आधार कार्ड ज्या बँक अकाउंट ला लिंक आहे त्या बँक खात्यावर लाभार्थी महिलेचे पैसे जमा होतील.
राज्य सरकारने काही दिवासांपूर्वी मुख्यमंत्री लाडकी बहीण योजना जाहीर केली होती. तेव्हापासून त्यात अनेक बदल देखील करण्यात आले आहेत.