मुंबई: लोकसभेला महायुतीत जागावाटपाचा पेच बराच काळ पाहायला मिळाला. त्यामुळे उमेदवार जाहीर होण्यास विलंब झाला. याचा फटका महायुतीला बसला. आता विधानसभेलादेखील तेच होण्याची दाट शक्यता आहे. त्यामुळे उपमुख्यमंत्री अजित पवार गटात अस्वस्थतता पसरली आहे. लोकसभा निवडणुकीप्रमाणे विधानसभेलादेखील जागावाटपाचा घोळ झाल्यास त्याचा फटका महायुतीला बसेल असं दादा गटातील मंत्री, आमदारांना वाटतं. जागावाटप लगेच न झाल्यास काही आमदार, इच्छुक नेते शरद पवारांकडे जातील, अशी भीती दादा गटात आहे.
लोकसभेला बसलेला फटका पाहता विधानसभेला जागावाटप लवकर होईल असं भाजपचे नेते सांगत होते. भाजपच्या कोअर कमिटीची बैठक गेल्याच आठवड्यात झाली. त्यानंतर जागावाटप लवकर होईल असं सांगण्यात आलं. मात्र अद्याप तरी शिंदेसेना, अजित पवार गटाला याबद्दल कोणतीही कल्पना देण्यात आलेली नाही. त्यामुळे दोन्ही पक्षांमध्ये अस्वस्थता वाढू लागली आहे.
महायुतीनं जागावाटपासाठी सिटिंग-गेटिंगचा फॉर्म्युला निश्चित होण्याची शक्यता आहे. ज्या मतदारसंघात ज्या पक्षाचा आमदार, तो मतदारसंघ त्या पक्षाला असं सूत्र ठरु शकतं. पण यावर अद्याप शिक्कामोर्तब झालेलं नाही. याशिवाय महायुतीचे आमदार नसलेले अन्य मतदारसंघ कोणत्या पक्षांना मिळणार या प्रश्नाचं उत्तरदेखील अद्याप मिळालेलं नाही. या जागांबद्दल स्पष्टता मिळाल्यास निवडणुकीची तयारी करणं सोपं जाईल, असं अजित पवारांच्या गटातील ज्येष्ठ नेत्यानं बोलून दाखवली.
लोकसभेला बसलेला फटका पाहता विधानसभेला जागावाटप लवकर होईल असं भाजपचे नेते सांगत होते. भाजपच्या कोअर कमिटीची बैठक गेल्याच आठवड्यात झाली. त्यानंतर जागावाटप लवकर होईल असं सांगण्यात आलं. मात्र अद्याप तरी शिंदेसेना, अजित पवार गटाला याबद्दल कोणतीही कल्पना देण्यात आलेली नाही. त्यामुळे दोन्ही पक्षांमध्ये अस्वस्थता वाढू लागली आहे.
महायुतीनं जागावाटपासाठी सिटिंग-गेटिंगचा फॉर्म्युला निश्चित होण्याची शक्यता आहे. ज्या मतदारसंघात ज्या पक्षाचा आमदार, तो मतदारसंघ त्या पक्षाला असं सूत्र ठरु शकतं. पण यावर अद्याप शिक्कामोर्तब झालेलं नाही. याशिवाय महायुतीचे आमदार नसलेले अन्य मतदारसंघ कोणत्या पक्षांना मिळणार या प्रश्नाचं उत्तरदेखील अद्याप मिळालेलं नाही. या जागांबद्दल स्पष्टता मिळाल्यास निवडणुकीची तयारी करणं सोपं जाईल, असं अजित पवारांच्या गटातील ज्येष्ठ नेत्यानं बोलून दाखवली.
आपणच का त्याग करायचा?
लोकसभेला अजित पवार गटाला केवळ ४ जागा देण्यात आल्या. पैकी केवळ एक जागा त्यांना जिंकता आली. लोकसभेत कमी जागांवर समाधान मानलं. पण विधानसभेला त्याग करणार नाही. दरवेळी आपणच का त्याग करायचा, असा सवाल अजित पवार गटातील अनेक नेते, आमदार विचारत आहेत.
आपल्या गटाचे आणि अपक्ष मिळून अजित पवारांकडे ४५ पेक्षा अधिक आमदार आहेत. शिंदेसेनेच्या तुलनेत आमच्याकडे आमदार फार कमी नाहीत. त्यामुळे विधानसभेच्या जागावाटपात शिंदेसेनेइतक्याच जागा मिळाव्यात यासाठी अजित पवार यांच्यावर त्यांच्याच गटातील नेत्यांनी दबाव आणल्याची माहिती आहे.