ओपनिंग डेचा फायदा
तर सिनेमा १५ ऑगस्ट रोजी प्रदर्शित करण्याचा निर्मात्यांचा निर्णय अगदी योग्य ठरला. लागून आलेल्या सुट्ट्यांमुळे प्रेक्षकांनी हा सिनेमा पाहायला थिएटरमध्ये गर्दी केल्याचं पाहायला मिळालं. पहिल्याच दिवशी सिनेमानं ५१ कोटींच्या जवळपास कमाई केली होती. तर शुक्रवारी सिनेमानं ३१ कोटींची कमाई केली होती. तर शनिवारी सिनेमाची कमाई ही ४३ कोटी ८५ लाखांचा गल्ला सिनेमानं कमावला होता. तर रविवारी सिनेमानं ५५ कोटींची जोरदार कमाई केली.
स्त्री २ सिनेमानं आतापर्यंत तब्बल २०० कोटींच्या जवळपास कमाई केली आहे. दरम्यान, हॉरर कॉमेडी प्रकारात मोडणाऱ्या या सिनेमानं प्रेक्षकांना ‘घाबरवण्याच्या’ आणि ‘हसवण्याच्या’ सिलसिल्यात काहीही कसर सोडलेली नाहीये. २०१८ मध्ये आलेल्या स्त्री सिनेमाचा हा सीक्वल आहे. गेल्या अनेक महिन्यांपासून या सिनेमांची चर्चा सुरू होती. चित्रपटाचा दिग्दर्शक अमर कौशिक यानंने भयानक दैत्याकार दानवाची एन्ट्री, तसंच त्याची दहशत, आणि त्या भीतीतून निर्माण होणारी कॉमेडी हा जबरदस्त डोस पडद्यावर सादर केलाय.
प्रेक्षकांना कसा वाटला स्त्री २ सिनेमा?
चित्रपटातील कलाकारांच्या अभिनयाबद्दल बोलायचं झालं तर, समिक्षक आणि प्रेक्षकांनाही कलाकारांच्या अभिनयाचं कौतुक केलं आहे. विक्कीच्या भूमिकेत राजकुमार राव आणि ‘स्त्री’च्या भूमिकेत श्रद्धा कपूर यांनी पुन्हा एकदा चित्रपटाचा स्तर उंचावला आहे, असंच म्हणावं लागेल. दिनेश विजन, ज्योती देशपांडे यांनी निर्मिती केलेल्या या सिनेमात श्रद्धा कपूर, राजकुमार राव, पंकज त्रिपाठी, अभिषेक बॅनर्जी, अपारशक्ती खुराणा अशी स्टारकास्ट आहे.