आदित्य भवार, पुणे : पुण्यात कोयता गॅंगची दहशद मागील काही दिवसांपासून सुरूच आहे. कोयता गँगची दहशत कमी होण्याचं नाव घेत नाही. ही दहशत कमी व्हावी यासाठी गेले काही दिवसांपासून पुणे पोलीस आयुक्त कडक कारवाई करत आहेत. थेट मोक्काची कारवाई करून देखील पण कोयता गँगची दहशद संपता संपत नाही. पण आता तर कोयता गॅंगची दहशत इतकी वाढली आहे, की आता पोलिसच कोयता गॅंगच्या रडारवर आले आहेत. वानवडी पोलीस स्टेशनच्या एका साहाय्यक पोलिसावर कोयतानेकडून हल्ला करण्यात आल्याची धक्कादायक घटना समोर आली आहे.
साहाय्यक पोलिसावर कोयता गँगकडून हल्ला करण्यात आल्याची ही घटना रविवारी दुपारच्या सुमारास घडली आहे. याप्रकरणी गुन्हा दाखल करण्यात आला आहे. रत्नदीप गायकवाड असं हल्ला झालेल्या साहाय्यक पोलिसाचं नाव आहे. या प्रकरणी आरोंपीचा शोध घेण्याच काम सुरू आहे.
मिळालेल्या प्राथमिक माहितीनुसार, वानवडी पोलीस स्टेशनच्या हद्दीतील दोन गुन्हेगारांनामध्ये भांडण सुरू होतं. दोन गुंडांमधील भांडण सोडवण्यासाठी पोलीस गेले असताना त्यांच्यावरच हल्ला करण्यात आला. पोलीस रत्नदीप गायकवाड यांच्या डोक्यात गुंडांनी कोयता मारला आणि पोलीस रक्त बंबाळ झाले. यानंतर दोन्ही गुन्हेगार घटनास्थळावरून पसार झाले.
महत्त्वाची बाब म्हणजे कोयता गँगमधील हे दोन्ही गुन्हेगार अल्पवयीन आहेत. एक अल्ववयीन गुन्हेगार हा १८ वर्षांचा असून त्याच्यावर एकूण २० गुन्हे असून यात घरफोडी, वाहन चोरी, दरोडे, बेकायदेशीर शस्त्र बाळगणं असे अनेक गुन्हे दाखल आहेत. तर दुसरा आरोपी हा १९ वर्षांच्या असून त्याच्यावर एकूण १४ गुन्हे दाखल आहेत. दरोडा, हत्यारं जवळ बाळगणं, खूनाचा प्रयत्न, वाहन चोरी असे अनेक गुन्हे आहेत.
साहाय्यक पोलिसावर कोयता गँगकडून हल्ला करण्यात आल्याची ही घटना रविवारी दुपारच्या सुमारास घडली आहे. याप्रकरणी गुन्हा दाखल करण्यात आला आहे. रत्नदीप गायकवाड असं हल्ला झालेल्या साहाय्यक पोलिसाचं नाव आहे. या प्रकरणी आरोंपीचा शोध घेण्याच काम सुरू आहे.
मिळालेल्या प्राथमिक माहितीनुसार, वानवडी पोलीस स्टेशनच्या हद्दीतील दोन गुन्हेगारांनामध्ये भांडण सुरू होतं. दोन गुंडांमधील भांडण सोडवण्यासाठी पोलीस गेले असताना त्यांच्यावरच हल्ला करण्यात आला. पोलीस रत्नदीप गायकवाड यांच्या डोक्यात गुंडांनी कोयता मारला आणि पोलीस रक्त बंबाळ झाले. यानंतर दोन्ही गुन्हेगार घटनास्थळावरून पसार झाले.
महत्त्वाची बाब म्हणजे कोयता गँगमधील हे दोन्ही गुन्हेगार अल्पवयीन आहेत. एक अल्ववयीन गुन्हेगार हा १८ वर्षांचा असून त्याच्यावर एकूण २० गुन्हे असून यात घरफोडी, वाहन चोरी, दरोडे, बेकायदेशीर शस्त्र बाळगणं असे अनेक गुन्हे दाखल आहेत. तर दुसरा आरोपी हा १९ वर्षांच्या असून त्याच्यावर एकूण १४ गुन्हे दाखल आहेत. दरोडा, हत्यारं जवळ बाळगणं, खूनाचा प्रयत्न, वाहन चोरी असे अनेक गुन्हे आहेत.
मात्र या घटनेनंतर गुंडांवर पोलिसांचा धाक राहिला नाही का? असा प्रश्न उपस्थित होत आहे. कोयता गँगकडून हल्ला झाल्यानंतर जखमी झालेल्या पोलिसाला उपचारासाठी रुग्णालयात दाखल केलं असून दुसरीकडे आरोपींचा शोध सुरू आहे. किरकोळ भांडण किंवा वाद सुरू असताना पोलीस पोचल्यानंतर आरोपीने न थांबता त्यांच्यावरच हल्ला केला. या अल्पवयीन गुन्हेगारांना राजकीय आसरा असल्यामुळे गुन्हेगारांच्या मनगटात बळ वाढत असल्याचा आरोप होत आहे. या घटनेनंतर पोलीस आयुक्त वानवडी पोलीस ठाण्यात जाऊन माहिती घेणार असल्याची माहिती कळत आहे.