सिंधुदुर्ग : विजापूरमधून येणाऱ्या एका एसटी बसला भीषण अपघात झाला आहे. ही बस विजापूर ते कुडाळ दरम्यान प्रवास करत होती. भरधाव वेगाने येणाऱ्या समोरून दुचाकीस्वाराला वाचवण्याच्या नादामध्ये ही बस ओहोळात पलटी झाली असून नऊ प्रवासी किरकोळ जखमी झाले आहेत. मिळालेल्या माहितीनुसार, विजापूरवरून कोल्हापूरच्या मार्गे कुडाळ या दिशेने जात असलेल्या वैभववाडी तालुक्यातील कसूर या गावामध्ये बसचा भीषण अपघात झाला आहे. मात्र, सुदैवाने कोणतीही जीवितहानी झाली नसल्याची माहिती देखील समोर आली आहे. या बसमध्ये ३२ प्रवासी प्रवास करत होते. त्यापैकी नऊ प्रवाशांना किरकोळ दुःखापत झाली आहे. त्यांना वैभववाडी ग्रामीण रुग्णालयात दाखल करण्यात आले आहे. या भीषण अपघातामध्ये एसटी बसचे मोठे नुकसान झाले आहे. ही घटना काल रविवारी सायंकाळी ६ वाजण्याच्या सुमारास घडलीविजापूर ते कुडाळ बसचालक दिनेश झाडे आपल्या ताब्यातील बस घेऊन कुडाच्या दिशेने जात होते. बस कोल्हापूरमार्गे भुईबावडा घाट उतरून कुसुर पिंपळवाडी येथे पळसुळे नर्सरीजवळ आली. त्याचवेळी वैभववाडीकडून उंबर्डेच्या दिशेने जाणारा मोटारसायकलस्वार एसटी समोर अचानक आडवा आल्यामुळे त्याला वाचविण्याच्या प्रयत्नात एसटी बस रस्त्याच्या साईड पट्टीवर उतरली. मात्र साईडपट्टी मजबूत नसल्यामुळे बस जवळ असलेल्या ओहोळात पलटी झाली. बस दरवाजा असलेल्या बाजूला पलटी झाल्यामुळे प्रवाशांना बाहेर पडता येत नव्हते.
अपघाताची माहिती मिळताच स्थानिक ग्रामस्थांनी घटनास्थळी धाव घेत बसच्या मागच्या बाजूच्या काचा फोडून सर्व प्रवाशांना सुखरूप बाहेर काढले. यामध्ये विलास पाटील, विकी पाटील, संतोष पाटील, मंगेश लोके, नासीर काझी यांनी जखमींना बाहेर काढले. अपघाताची माहिती मिळताच वैभववाडी पोलिसांनी रुग्णवाहिका घेऊन घटनास्थळी धाव घेतली. यातील किरकोळ जखमी प्रवाशांना रुग्णवाहिकेतून ग्रामीण रुग्णालय वैभववाडी येते दाखल केले आहे. तर अन्य प्रवाशांना खासगी वाहनातून वैभववाडीपर्यंत आणण्यात आले. बस पाण्यात पडल्यामुळे प्रवाशांच्या बॅगा, अनेकांचे मोबाईल बसमध्येच पडले होते. वाहकाची तिकीट काढण्याची मशीन बाहेर फेकली गेली होती.
अपघाताची माहिती मिळताच स्थानिक ग्रामस्थांनी घटनास्थळी धाव घेत बसच्या मागच्या बाजूच्या काचा फोडून सर्व प्रवाशांना सुखरूप बाहेर काढले. यामध्ये विलास पाटील, विकी पाटील, संतोष पाटील, मंगेश लोके, नासीर काझी यांनी जखमींना बाहेर काढले. अपघाताची माहिती मिळताच वैभववाडी पोलिसांनी रुग्णवाहिका घेऊन घटनास्थळी धाव घेतली. यातील किरकोळ जखमी प्रवाशांना रुग्णवाहिकेतून ग्रामीण रुग्णालय वैभववाडी येते दाखल केले आहे. तर अन्य प्रवाशांना खासगी वाहनातून वैभववाडीपर्यंत आणण्यात आले. बस पाण्यात पडल्यामुळे प्रवाशांच्या बॅगा, अनेकांचे मोबाईल बसमध्येच पडले होते. वाहकाची तिकीट काढण्याची मशीन बाहेर फेकली गेली होती.
जखमींवर ग्रामीण रुग्णालयात उपचार अपघातातील जखमींमध्ये रेणुका परशुराम, मिलिंद मणे, सुनिता विजय शिंदनिगर, सुरेश नारायण गंगावणे, दिव्या रोहीदास मेस्त्री, बंडू रेडू राठोड, रेणुका बंदू राठोड, चिंतू बंदु, सिध्देश सुरेश, समृध्दी सुनील रावराणे या नऊ जणांना किरकोळ दुखापत झाली आहे.