Nikki Tamboli Arbaz Patel: अरबाज पटेल आणि निक्की तांबोळी या जोडीने ‘बिग बॉस मराठी’चा हा आठवडा चांगलाच गाजवला. दोघांनी कडाक्याचे भांडण केले, अक्षरश: हमरीतुमरीवर आले होते. आता मात्र वेगळेच चित्र बिग बॉस मराठीच्या घरात पाहायला मिळणार आहे.
हायलाइट्स:
- बिग बॉस मराठीमध्ये निक्की तांबोळी-अरबाज पटेलचीच चर्चा
- मिठी मारुन सोडवलं भांडण
- व्हिडिओ होतोय व्हायरल
कलर्स मराठीचा नवा प्रोमो
‘बिग बॉस मराठी’च्या आजच्या भागात निक्की अरबाजला समजावताना दिसणार आहे. निक्की त्याला समजावत असतानाच प्रोमो वाहिनीने शेअर केला असून त्यावर मजेशीर कमेंटही आल्या आहेत. निक्की त्याला म्हणते की, ‘तुला जर एखादी व्यक्ती आवडत असेल, तर त्याच्यावर रागावताना शब्द जपून वापरायला हवे. तू जसा ओरिजिनल आहेस ते दाखव लोकांना, उगीचच असं नको दाखवू… राक्षसासारखं.’ त्याने तिला ‘चल, चल, चल’ करुन झिडकारण्यावरुनही ती त्याला बोलते. निक्कीचं हे बोलणं अरबाज शांतपणे ऐकून घेतो आणि नंतर तिला ‘सॉरी’ म्हणतो. एवढंच नव्हे यानंतर तो तिला मिठीही मारतो. ‘बिग बॉस मराठी’चा हा प्रोमो चांगलाच व्हायरल झाला आहे.
बीबी फॅन्सच्या कमेंट
हा कार्यक्रम पाहणाऱ्या असंख्य चाहत्यांनी या प्रोमो व्हिडिओवर कमेंट केल्या आहेत. एकाने लिहिले की, ‘हा काय प्रकार… बिग बॉसमध्ये यांची लव्हस्टोरी बघायला मी पैसे उगीच घालवले.’ अन्य एकाने म्हटले की, ‘बाकीच्या लोकांसाठी दोन मिनिट शांतता, खास करुन वैभव आणि जान्हवी.’ टीम बीवर टीका करत एका युजरने लिहिले की, ‘आता मजा येईल रबराच्या मणक्याच्या टीम बी ची. कारण टीम बीसाठी जो स्टँड घ्यायचा त्या अभिजीत सावंतला एकटं पाडलं आणि त्यांना वाटलं की अरबाज त्यांचा नेता आहे.’ हा निक्की-अरबाजचा खेळ होता अशा आशयाची कमेंट करत एका युजरने लिहिले की, ‘एक नंबर खेळ केला निक्की-अरबाजने, बी टीम सगळी मूर्ख बनली.’ अरबाज कमिटेड आहे तर त्याला वाईट का वाटतं आहे, असंही एका युजरने विचारले आहे.