महाराष्ट्र टाइम्स.कॉमवाशी : हार्बर रेल्वेवरील वाहतूक विस्कळीत झाल्याची माहिती समोर आली आहे. वाशी रेल्वे स्थानकाजवळ ओव्हरहेड वायरमध्ये काही तांत्रिक बिघाड झाल्यामुळे याचा हार्बर रेल्वे सेवेवर परिणाम झाला आहे. त्यामुळे हार्बर रेल्वेवरील वाहतूक २० ते २५ मिनिटं उशिराने धावत आहे.
ओव्हरहेड वायरमध्ये तांत्रिक बिघाड झाल्याने मागील जवळपास २० ते २५ मिनिटांपासून काही रेल्वे स्थानकात तर काही ट्रेन रेल्वे ट्रॅकमध्येच थांबल्या आहेत. त्यामुळे रेल्वे सेवेवर याचा परिणाम झाला असून ट्रेन धिम्या गतीने सुरू आहेत. सकाळी कामावर जाण्याच्या वेळीच हा तांत्रिक बिघाड झाल्याने चाकरमान्यांना याचा त्रास सहन करावा लागत आहे. मात्र याबाबत हार्बर रेल्वेकडून कोणतीही माहिती देण्यात आलेली नाही.
लेखकाबद्दलकरिश्मा भुर्केमहाराष्ट्र टाइम्स ऑनलाइनमध्ये डिजिटल कंटेंट प्रोड्युसर म्हणून कार्यरत. सामना, झी २४ तास, न्यूज १८ लोकमतसह ४ वर्ष पत्रकारिता क्षेत्रातील अनुभव. सामाजिक, मनोरंजन विश्लेषणात्मक लेखनाची आवड…. आणखी वाचा