Supriya Sule vs Ajit Pawar: बारामतीच्या खासदार सुप्रिया सुळे यांनी उपमुख्यमंत्री अजित पवारांना जोरदार टोला लगावला आहे. सकाळी लवकर उठता असं सतत सांगता. मग काय उपकार करता का, असा सवाल त्यांनी विचारला
पुणे जिल्ह्यातील इंदापूरमधील एका कार्यक्रमात सुळे बोलत होत्या. त्यावेळी त्यांनी उपमुख्यमंत्री अजित पवारांना अप्रत्यक्षपणे लक्ष्य केलं. ‘कोणी कोणावर उपकार करत नाही. हे जे सांगतात ना, आम्ही दिवसरात्र काम करतो. आम्ही काय तुमच्या दारात आलो होतो का? तुम्हाला आमदार अन् मंत्री व्हायची हौस आहे. मग करा कामं. उपकार करता का? ती तुमच्या पदाची गरज आहे. विचार करण्याची पद्धत बदलली पाहिजे. दृष्टिकोन बदलायला हवा. कष्ट सगळेच करतात. एकटे हेच करतात का?,’ असा सवाल करत सुप्रियाताईंनी त्यांच्या दादाला सणसणीत टोला लगावला.
‘लोकांचा एक डायलॉग माझ्यामुळे बंद झाला, म्हणायचे मी सकाळी लवकर उठतो. मी म्हटलं दूधवाला पण उठतो. इट्स अ फॅक्ट’, असं म्हणत सुळेंनी उपस्थितांपैकी एकाला दादा तुम्ही किती वाजता उठता, असा प्रश्न केला. त्यावर चार वाजता उठतो असं उत्तर आलं. त्यावरुन मग सुळेंनी पुन्हा दादांना चिमटा काढला. तुम्ही चार वाजता उठता? मग रोज गावात भाषण करताना सांगता का मी लवकर उठतो, मी लवकर उठतो म्हणून?, असा सवाल सुळे यांनी विचारताच उपस्थितांमध्ये एकच हशा पिकला.
Supriya Sule: दुधवालाही सकाळी लवकर उठतो! अजितदादांना सुप्रियाताईंचा सणसणीत टोला; ‘त्या’ डायलॉगवरुन समाचार
तुम्ही सकाळी लवकर उठता. अरे मी काय करु? तुम्ही किती वाजता उठता, तो तुमच्या बायकोचा प्रॉब्लेम आहे, माझा नाहीए. तिला चहा करावा लागतो, असं सुळेंनी म्हणताच सभास्थळी खसखस पिकली. ‘आदरणीय पवार साहेबांनी आजपर्यंत त्यांच्या भाषणात कधी सांगितलंय का मी सकाळी लवकर उठतो? मी आजारी आहे? माझं वय झालंय? ते उलट म्हणतात, माझं वय नाही काढायचं,’ असं सुळे म्हणाल्या.