Shivaji Maharaj Statue : छत्रपती शिवरायांच्या पुतळ्या प्रकरणी एकीकडे राज्यात राजकारण तापलेले असताना पुतळा कोसळल्या प्रकरणी अटकेत असलेल्या चेतन पाटीलला आज न्यायालयात हजर करण्यात आले.
जयदीप आपटे आणि डॉ. चेतन पाटील दोघांनी संगनमताने शिवरायांचा निकृष्ट दर्जाचा पुतळा उभारला. पुतळ्याजवळ आलेले पर्यटक आणि इतरांचा मृत्यू होऊ शकतो, याची जाणीव असतानाही त्यांनी असे बांधकाम केली. त्यामुळे पुतळा कोसळला. दोघांनी सरकारी निधीचा योग्य विनियोग केलेला नाही. अशी फिर्याद मालवण येथील सार्वजनिक बांधकाम विभागाचे सहायक अभियंता अजित पाटील यांनी मालवण पोलिस ठाण्यात दिली होती. त्यानुसार हे गुन्हे दाखल करण्यात आले आहेत. आज याच मुद्द्यांना धरुन कोर्टात सुनावणी पार पडली.
यावेळी सरकारी वकिलांनी चेतन पाटील यांची पोलीस कस्टडी मागितली यावर आरोपी चेतन पाटीलांच्या वकिलांनी पोलीस कोठडीला विरोध दर्शवला. घडलेल्या घटनेत चेतन पाटील याचा सहभाग नाही असा युक्तीवाद आरोपी चेतन याच्या वकीलाने केला. सरकारी वकिलांनी कोर्टात सांगितले आरोपी चेतन पाटील यांच्यासोबत काही आर्थिक देवाणघेवाण झाले का? तसेच दुसऱ्या आरोपीसोबत काही बोलणे झाले का यांची माहिती घ्यायची म्हणून कोठडी हवी अशी मागणी सरकारी वकिलांनी न्याय‍धीशांकडे केली.
Malvan : चेतनने फक्त चबुतरा बांधला, मग ३०७ कलम का लावले? वकिलांकडून कोर्टात अजब युक्तीवाद
आरोपी चेतन पाटीलला झालेली अटक चुकीची आहे असा युक्तीवाद आरोपीच्या वकिलांनी केला. चेतन पाटील याच्यावर खोट्या माहितीच्या आधारे गुन्हा दाखल करण्यात आला आहे. चेतनने फक्त चबुतरा बांधला आहे तो पूर्णपणे नीट आहे असा अजब दावा चेतन याच्या वकिलांनी केला. पुतळा पडलाय मग चेतनवर ३०७ का दाखल केला आहे. असा युक्तीवाद आरोपी चेतन याच्या वकिलांनी कोर्टात केला.