Vinesh Phogat : पॅरिस ऑलिम्पिकमध्ये देशाचे नाव गाजवणारी विनेश फोगाट हिने आज आंदोलन करत असलेल्या शेतकऱ्यांची भेट घेतली.
हरियाणात येत्या एक ते दीड महिन्यात निवडणुका पार पडणार आहेत. अशातच विनेश फोगाट यांचा शेतकरी आंदोलनाला पाठिंबा देणे तसेच शेतकऱ्यांसाठी थेट सरकारकडे विनंती करणे या कृतीमुळे पुन्हा एकदा विनेश फोगाट यांच्या राजकीय प्रवेशाच्या चर्चा रंगल्या आहेत. विनेश फोगाट यांना पत्रकारांनी थेट काँग्रेसमधून लढणार का असा सवाल केला आहे. यावर विनेश म्हणाल्या मी राजकरणावर काही भाष्य करणार नाही. जर तुम्ही राजकरणाचे बोलायला आला असेल तर तुम्ही शेतकऱ्यांचा लढा आणि संघर्ष उद्ध्वस्त करताय. निवडणुकांचा आणि माझा काहीही संबंध नाही. मी फक्त शेतकऱ्यांचा लढ्याला पाठिंबा देण्यासाठी आली आहे. सरकारने शेतकरी प्रश्नांवर तोडगा काढणे गरजेचे आहे.२०० दिवस झाले शेतकरी बसेल पण सरकाराचे दुर्लक्ष आहे अशी भूमिका विनेश फोगाट यांनी बोलून दाखवली.
Haryana Election : विनेश फोगाट राजकरणात येणार? शेतकरी आंदोलकांच्या भेटीमुळे पुन्हा चर्चा
माझ्यावर आणि राजकरणावर फोकस करण्यापेक्षा शेतकऱ्यावर फोकस करा असा सल्ला विनेश फोगाट यांनी पत्रकारांना दिला आहे. तुम्ही राजकरणावर भाष्य करत आहात त्यामुळे आंदोलन दुर्लक्षित होत आहे. मी संपूर्ण देशाची खेळाडू आहे, त्यामुळे सरकारने शेतकऱ्यांचे म्हणणे ऐकून त्यांना दिलेली आश्वासने पूर्ण करावीत, अशी विनंती विनेशने केली. “मी सरकारला त्यांचे म्हणणे ऐकून घेण्याची विनंती करतो. मागच्या वेळी त्यांनी आपली चूक मान्य केली होती, त्यांनी दिलेली आश्वासने पाळली पाहिजेत. लोक असेच रस्त्यावर बसून राहिले तर देश पुढे जाणार नाही,” असे फोगाट म्हणाली.