माझ्यासोबत लांब फिरायला येशील का? शेजाऱ्याकडून विनयभंग अन् मग तरुणीने असं काही केलं की…

शेजाऱ्याने विनयभंग करत लांब माझ्याबरोबर फिरायला येशील का अशी विचारणा केली. या त्रासाला कंटाळून या तरुणीने हाताची नस कापून घेत आत्महत्या करण्याचा प्रयत्न केल्याने मोठी खळबळ उडाली आहे. या तरुणीवर रुग्णालयात उपचार सुरु आहे अशी माहिती महाड एमआयडीसी पोलीस ठाण्याचे सूत्रांनी दिली आहे.
Crime News: अमेरिकेत विद्यार्थिनीची गोळ्या झाडून हत्या, अनेक दिवसांनी बॉडी सापडली, भारताशी काय कनेक्शन?
माझं तुझ्यावर प्रेम आहे. माझ्यासोबत लांब फिरायला येशील का?, असं म्हणत या तरुणाने तरुणीचा विनयभंग केला. त्यानंतर या तरुणीने आत्महत्या करण्याचा प्रयत्न केला. तरुणीचा विनयभंग केल्याप्रकरणी महाड एमआयडीसी पोलीस ठाण्यात दोघांविरुद्ध गुन्हा दाखल करण्यात आला आहे. या तरुणीने दिलेल्या तक्रारीनंतर दोघांविरोधात गुन्हा दाखल करण्यात आला आहे.

या प्रकरणी संशयित आरोपी संदिप काशिनाथ चव्हाण, रोहिदास काशिनाथ चव्हाण यांना महाड एमआयडीसी पोलिसांनी अटक केली आहे. महाड MIDC पोलिसांकडून घटनेचा अधिक तपास सुरू आहे. या दोन्ही संशयित आरोपीविरोधात भारतीय न्यायदंड संहिता कलम ७४ ,७५ (१) (२) अन्वये विनयभंग करणे, प्रेमाचा दबाव टाकून मनात लज्जा उत्पन्न होईल अशा स्वरूपाचे अश्लील हावभाव करण्याचा प्रयत्न करणे या कलमाखाली गुन्हा दाखल करण्यात आले आहे.

या प्रकरणाचा अधिक तपास महाड एमआयडीसी पोलीस ठाण्याचे आर. व्ही. जाधव करत आहेत. या तरुणीने आमच्या विरोधात खोटी तक्रार दिली असून ती मनोदुर्बल असल्या कारणाने आमची खोटी नावे यामध्ये गोवली गेली आहेत. अशा स्वरूपाचा युक्तिवाद संशयित आरोपींच्या वतीने महाड न्यायालयात करण्यात आला आहे.