maharashtra election 2024 : राष्ट्रवादी काँग्रेस शरदचंद्र पवार पक्षाच्या वतीने युगेंद्र पवार यांना निवडणूक रिंगणात उतरवण्याची तयारी सुरू आहे. दुसरीकडे अजित पवार अचानक जय पवार यांना निवडणूक रिंगणात उतरवणार असेही बोलले जात आहे. या पार्श्वभूमीवर श्रावणातील शेवटच्या शनिवारी दरवर्षी होणारी कन्हेरी येथील मारुतीरायाची यात्रा यादृष्टीने चर्चेत आली.
दोन्ही भावांनी घेतली गळाभेट
सख्खे चुलतभाऊ जय आणि युगेंद्र पवार यांनी कोणतीही कटुता नसल्याचे देखील उपस्थितांना दाखवून दिले. त्यामुळे कार्यकर्त्यांनी एकमेकांच्या अंगावर जाण्याची आवश्यकता नाही. असा देखील संदेश यानिमित्ताने उपस्थितांना मिळाला. जय पवार आणि युगेंद्र पवार समोरासमोर आले. त्यांनी एकमेकांची गळाभेट घेतली आणि ते एकत्र त्यांनी संवाद देखील साधला.
युगेंद्र पवारांकडून जोरदार तयारी
सध्या युगेंद्र पवार हे तालुक्यातील गावागावात पोहोचले असून त्यांनी निवडणुकीचा प्रचार सुरू केला आहे. त्या पार्श्वभूमीवर जय पवार देखील आपल्या वडिलांच्या प्रचारासाठी आत्ता सध्या फिरत आहेत. मात्र अचानक जय पवारांना निवडणूक रिंगणात उतरवले जाऊ शकते अशी देखील चर्चा आहे. त्या पार्श्वभूमीवर या गदेचे दोघांचे एकत्र छायाचित्र येत्या बारामती विधानसभेच्या निवडणुकीत चांगले चर्चेत राहील असे दिसत आहे.