ST Employee Strike: एसटी कर्मचाऱ्यांचे आजपासून राज्यभर आंदोलन; आर्थिक मागण्या रखडल्याने संघटना आक्रमक

ST Employee Strike: एसटी कामगार संयुक्त कृती समितीने आज, मंगळवारपासून राज्यातील सर्व आगार आणि स्थानकांमध्ये तीव्र आंदोलन छेडण्याचा इशारा दिला आहे.

महाराष्ट्र टाइम्स
st bus strikce
मुंबई : एसटी कर्मचाऱ्यांच्या रखडलेल्या आर्थिक मागण्या आणि राज्य सरकारकडून सुरू असलेले वेळकाढूपणाचे धोरण यामुळे एसटी कामगार संयुक्त कृती समितीने आज, मंगळवारपासून राज्यातील सर्व आगार आणि स्थानकांमध्ये तीव्र आंदोलन छेडण्याचा इशारा दिला आहे. यामुळे संघटनांचे वर्चस्व असलेल्या काही एसटी स्थानक-आगारातील एसटी वाहतूक विस्कळीत होण्याची शक्यता आहे.

राज्य सरकारी कर्मचाऱ्यांप्रमाणे एसटी कामगारांना वेतन आणि महागाई भत्ता, घरभाडे भत्ता मिळावा, एसटी कर्मचाऱ्यांना सरसकट पाच हजार रुपये वेतनवाढ मिळावी या आणि अन्य आर्थिक मागण्या एसटी कामगार कृती समितीने केल्या आहेत. मुख्यमंत्री एकनाथ शिंदे, उपमुख्यमंत्री देवेंद्र फडणवीस आणि उपमुख्यमंत्री अजित पवार यांच्या उपस्थितीत कृती समितीची बैठक ७ ऑगस्ट रोजी झाली. २० ऑगस्टला अंतिम बैठक घेऊन तोडगा काढण्याचे आश्वासन या बैठकीत देण्यात आले. मात्र अद्याप तोडगा निघालेला नाही. एसटी कर्मचाऱ्यांच्या भावना तीव्र असल्याने ३ सप्टेंबरपासून होणाऱ्या आंदोलनात गणेशभक्तांची गैरसोय झाल्यास त्याची जबाबदारी राज्य सरकारची असणार आहे, असे एसटी कामगार संयुक्त कृती समितीतील पदाधिकाऱ्यांनी सांगितले.

नुकतेच सेवेवर रुजू, खिडकीच्या ग्रीलला रुमाल बांधून गळफास, कोल्हापूरच्या STचालकाने कोकणात आयुष्य संपवलं
महामंडळ आक्रमक

ऐन गणेशोत्सवाच्या काळात होणाऱ्या अतिरिक्त वाहतुकीत एसटी कामगारांनी आंदोलन पुकारले आहे. महामंडळाने याबाबत आक्रमक पवित्रा घेतला असून राज्यातील सर्व कर्मचाऱ्यांच्या सुट्ट्या रद्द केल्या आहेत. गैरहजर राहणाऱ्या प्रवाशांवर कारवाई करण्याचा इशाराही महामंडळाने दिला आहे.

ST Employee Strike: एसटी कर्मचाऱ्यांचे आजपासून राज्यभर आंदोलन; आर्थिक मागण्या रखडल्याने संघटना आक्रमक

गणेशोत्सवासाठी बेस्टची सज्जता
मुंबई : गणेशोत्सवासाठी बेस्ट उपक्रमही सज्ज झाला आहे. बेस्टच्या विद्युत पुरवठा विभागाकडून गणेशोत्सवासाठी मिरवणूक मार्ग, विसर्जनस्थळे या ठिकाणी पुरेशी प्रकाशव्यवस्था राखली जाणार आहे. मिरवणूक मार्ग, विसर्जनस्थळी यंदा अडीच हजारपेक्षा जास्त दिवे लावण्याचा निर्णय बेस्टने घेतला आहे.मिरवणूक मार्गांवरील आणि विसर्जनस्थळांवरील प्रकाशव्यवस्थेची सुरक्षेच्या दृष्टीने आखणी केली आहे. बेस्ट उपक्रमातर्फे मुंबईत गणेशभक्तांसाठी ७१ मिरवणूक मार्ग, २० विसर्जन स्थळे आणि ३९ कृत्रिम तलाव या ठिकाणी २ हजार ५९१ दिवे लावण्यात येणार आहेत. विसर्जनस्थळांवर प्रकाश व्यवस्थेकरिता एकूण १५ स्थायी विद्युत मनोऱ्यांची उभारणी केली आहे.

लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाइनमध्ये कन्सल्टंट म्हणून कार्यरत असून पत्रकारितेमध्ये पदव्युत्तर शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा २ वर्षांचा अनुभव आहे आणि आता मटा ऑनलाइनमध्ये आहे. जनरल बातम्यासोबतच गुन्हेगारीविषयक बातम्यांमध्ये रस…. आणखी वाचा

Source link

maharashtra govtmaharashtra times epaper mumbaiMSRTC Workers Strikest band andolanst bus strike in maharashtra latest news todayst employees strikeएसटी कर्मचारी आंदोलनताज्या बातम्यामराठी बातम्यामुंबई बातम्या
Comments (0)
Add Comment