Stree 2 Box Office Collection: राजकुमार राव, श्रद्धा कपूर, पंकज त्रिपाठी यांच्या ‘स्त्री २’ने ‘पीके’, ‘केजीएफ चॅप्टर २’, ‘दंगल’, ‘एक था टायगर’ सारख्या अनेक मोठ्या चित्रपटांना १९ व्या दिवसाच्या कलेक्शनमध्ये मागे टाकले आहे.
हा चित्रपट या वर्षातील सर्वाधिक कमाई करणारा चित्रपट ठरला आहे विशेष म्हणजे ‘कल्की 2898 एडी’लाही त्याने धक्का दिला आहे. इतकंच नाही तर स्त्री २ गेल्या वर्षी प्रदर्शित झालेल्या चित्रपटांपेक्षाही चांगले कलेक्शन करत आहे. या चित्रपटाच्या १९ व्या दिवसाच्या कलेक्शनबद्दल बोलायचे झाल्यास, त्याने आमिर खानच्या ‘पीके’लाही आता मागे टाकले आहे. याशिवाय या चित्रपटाने ‘KGF Chapter 2’, दंगल, एक था टायगर सारख्या अनेक मोठ्या चित्रपटांचे १९ व्या दिवसाचे कलेक्शन मागे टाकत नवा विक्रम केला आहे.
१९ व्या दिवशी ४ कोटींहून अधिक कमाई
Sacnilk च्या रिपोर्टनुसार, ‘PK’ ने १९ व्या दिवशी फक्त ४.०२ कोटींची कमाई केली होती, तर ‘स्त्री २’ ने ४.१९ कोटींची कमाई केली आहे. एकूण कलेक्शनबद्दल बोलायचे झाले तर चित्रपटाने आतापर्यंत ४८४.२४ कोटींची कमाई केली आहे.
आमिर- सलमानचे सिनेमेही श्रद्धा कपूर समोर पडले फिके, स्त्री २ ने कमाईत केला नवा रेकॉर्ड
‘स्त्री २’ चे जगभरातील कलेक्शन
राजकुमार राव, श्रद्धा कपूर, पंकज त्रिपाठी, अभिषेक बॅनर्जी आणि अपारशक्ती खुराना यांसारख्या तगड्या स्टार्सनी भरलेला ‘स्त्री 2’ या चित्रपटाच्या जगभरातील कलेक्शनबद्दल बोलायचे तर, चित्रपटाने सुमारे ६९४ कोटींची कमाई केली आहे. १९ दिवसांत या चित्रपटाने देशभरात सुमारे ५७८ कोटी रुपयांचे कमाई केली तर परदेशात १२० कोटी रुपयांची कमाई केली आहे.