पुणे : राज्यात अपघातांचं प्रमाण वाढलं आहे. पुणे शहरात याचं प्रमाणची दिवसेंदिवस वाढत आहेत. पोर्श कार अपघातानंतर देखील शहरात अनेक अपघात झाले आहेत. त्याचदरम्यान, पुन्हा एक भीषण अपघात झालेला आहे. हा अपघात पुण्यातील चंदन नगर, खराडी परिसरात झाला आहे. या अपघातात एका तरुणीचा जागीच मृत्यू झाला आहे. महिनाभरापूर्वी देखील असाच अपघात झाला असल्याचं नागरिकांकडून सांगण्यात येत आहे.भरधाव येणाऱ्या क्रमांक एमएच १२ युएम ९८७० डम्परने दुचाकीला जोरदार धडक दिली. या धडकेत तरुणीची दुचाकी होन्डा अॅक्टिव्हा अक्षरश: चाकाखाली आली. चाकाखाली चिरडल्याने तरुणीचा जागीच मृत्यू झाला आहे.