Pankaja Munde On Sharad Pawar : मनोज जरांगे यांनी राज्य सरकारला पुन्हा एकदा उपोषणाचा इशारा दिला आहे. अशातच आता भाजपच्या नेत्या तसेच विधानपरिषदेच्या आमदार पंकजा मुंडे यांनी मराठा आरक्षणाच्या मुद्द्यावरून शरद पवार गटावर हल्लाबोल केला आहे. पुण्यातील वडगाव शेरी येथे कार्यकर्त्यांच्या मेळाव्यात पंकजा मुंडे बोलत होत्या.
Pankaja Munde : आरक्षणासंदर्भात तुमची भूमिका काय? पंकजा मुंडेंचा शरद पवारांना सवाल
पुणे :
मराठा आरक्षणाचा तिढा अद्याप सुटलेला नाही. मनोज जरांगे यांनी राज्य सरकारला पुन्हा एकदा उपोषणाचा इशारा दिला आहे. अशातच आता भाजपच्या नेत्या तसेच विधानपरिषदेच्या आमदार पंकजा मुंडे यांनी मराठा आरक्षणाच्या मुद्द्यावरून शरद पवार गटावर हल्लाबोल केला आहे. पुण्यातील वडगाव शेरी येथे कार्यकर्त्यांच्या मेळाव्यात पंकजा मुंडे बोलत होत्या.
तुमची भूमिका काय हे जाहीर करा
पंकजा मुंडे म्हणाल्या की, ” मराठा समाजाला आरक्षण भाजपनेच दिलेलं आहे. पण तरी सुद्धा आरक्षणाच्या मुद्द्यावरून आम्हाला नाकारले. त्याचे कारण होते ते म्हणजे विरोधकांनी पसरवलेला फेक नरेटीव्ह. आगामी विधानसभा निवडणुकीत फेक नरेटीव्ह काढून टाकावा लागणार आहे. फेक नरेटीव्ह पसरवणाऱ्या राष्ट्रवादीला तुम्ही प्रश्न विचारा. तुमची भूमिका काय आहे? बाप दाखव नाहीतर श्राद्ध कर, हा सूर्य हा जयद्रथ.” असं म्हणत पंकजा मुंडे यांनी नाव न घेता शरद पवारांवर हल्लाबोल केला आहे.
आमच्याच अंगावर ओबीसी समाजाला घातलं जातंय
पंकजा मुंडे पुढे म्हणाल्या की, ”तुमचं म्हणणं आहे का ओबीसीतून आरक्षण मिळालं पाहिजे. तुम्ही ओबीसी आणि मराठा समाजाला अंगावर घालण्याचा प्रयत्न करत आहेत. जसे आपण काही दुसया देशातून आलो आहोत. आणि येथील राजकारण उद्ध्वस्त करणार आहोत”.
तुम्हीच सैनिक आहात
आगामी विधानसभा निवडणुकीच्या पार्श्वभूमीवर पंकजा मुंडे यांनी कार्यकर्त्यांना सूचना केल्या आहेत. त्या म्हणाल्या की, ”लोकसभेला आपलं प्रचंड नुकसान झालं आहे. ते भरून काढण्यासाठी आपल्या सारख्या छोट्या योद्ध्यांना मैदानात उतरवले आहे. त्यामुळे आता पक्षासाठी जोमाने काम करायला हवं. सेनापती फक्त सांगत असतो. परंतु सैनिकाला प्रत्यक्ष लढावं लागतं. त्यामुळे तुम्हीच सैनिक आहात. मतभेद विसरून काम करा. असं आवाहन पंकजा मुंडे यांनी कार्यकर्त्यांना केलं आहे.
दरम्यान, लोकसभा निवडणुकीत मराठा फॅक्टर मोठ्या प्रमाणात पाहायला मिळाला. खुद्द पंकजा मुंडे यांना बीडमधून पराभव स्वीकारावा लागला आहे. त्यामुळे आता भाजप आगामी निवडणुकीत सावध पाऊले उचलताना दिसणार आहे.