पुण्यात चाललंय काय? भरदिवसा तरुणावर कोयत्याने सपासप वार, VIDEO पाहून अंगाचा थरकाप उडेल

पुण्यातील सिंहगड रस्त्यावर सकाळी तरुणावर कोयत्याने हल्ला करण्यात आल्याची घटना घडली. या घटनेचा थरारक व्हिडिओ समोर आला आहे. पूर्वैमान्यातून हा हल्ला करण्यात आल्याची माहिती आहे. सागर चव्हाण असं या घटनेत जखमी झालेल्या तरुणाचे नाव आहे. दोघांनी सागरवर भररस्त्यात कोयत्याने हल्ला केला.
Former Atlas Cycles President: ॲटलस सायकल्सच्या माजी अध्यक्षांनी स्वत:ला संपवलं, सुसाइड नोटमध्ये चार नावं, रहस्य काय?

मुलीच्या नावे महिनाभर चॅटिंग

आरोपींनी इन्स्टाग्रामवर मुलीच्या नावाने फेक अकाउंट बनवले. त्यानंतर सागरसोबत मैत्री केली. जवळपास महिनाभर सागरसोबत मुलीच्या नावे चॅटिंग केली. त्यानंतर आज सकाळी सागरला भेटायला बोलावले. जेव्हा सागर निश्चित स्थळी भेटायला आला तेव्हा त्याच्यावर जीवघेणा हल्ला करण्यात आला. किरकटवाडी फाटा येथे ही धक्कादायक घटना घडली. यारप्रकणी पुणे शहर पोलिसांच्या दरोडाविरोधी पथकाने दोघांना ताब्यात घेतलं आहे.

मिळालेल्या माहितीनुसार, मे महिन्यात पुण्यातील डहाणूकर कॉलनी परिसरात एकमेकांकडे बघितल्यावरून सागर आणि आरोपींमध्ये भांडण झाले होते. त्यावेळीही एका तरुणावर कोयत्याने वार करण्यात आले होते. या हल्ल्यात त्याचा मृत्यू देखील झाला होता. श्रीनिवास वतसलवार असे या तरुणाचे नाव होते. ज्या तरुणांनी श्रीनिवासवर हल्ला केला, त्यापैकी सागर चव्हाण हाही एक होता.

त्यानंतर आज पुण्यातील किरकटवाडी भागात सागर चव्हाण याला एका मित्राने बोलवून घेतले. त्यानंतर तिथे त्याच्यावर कोयत्याने वार करण्यात आले. या हल्ल्यामध्ये सागर चव्हाण गंभीर जखमी झाला असून रुग्णालयात त्याच्यावर उपचार सुरू आहेत. तरुणावर हल्ला करणाऱ्यांना दोघांना पुणे पोलिसांनी ताब्यात घेतलं आहे.

दरोडा विरोधी पथकाने या दोघांना ताब्यात घेतलं आहे. या मधील एक आरोपी अल्पवयीन आहे. तर, हर्षद वांजळे असं दुसऱ्या आरोपीचं नाव आहे.