राजकुमार राव आणि श्रद्धा कपूरच्या ‘स्त्री २’ चित्रपटाने बॉक्स ऑफिसवर जबरदस्त कलेक्शन केले आहे. मोठ्या सिनेमांना स्त्री २ तगडी स्पर्धा देत आहेत.
हायलाइट्स:
- राजकुमार राव आणि श्रद्धा कपूरच्या ‘स्त्री २’ २१ व्या दिवशीही चांगली कमाई केली.
- या चित्रपटाने रणबीर कपूरच्या बंपर चित्रपट ‘ॲनिमल’च्या कलेक्शनला मागे टाकले आहे.
- ‘स्त्री २’ ने देशातच नाही तर परदेशातही प्रचंड कलेक्शन करत आहे.
गेल्या वर्षाच्या अखेरीस प्रदर्शित झालेल्या रणबीर कपूर आणि बॉबी देओलच्या ‘ॲनिमल’ या चित्रपटानेही थिएटरमध्ये खळबळ उडवून दिली होती. जवळपास १०० कोटींच्या बजेटमध्ये हा सिनेमा बनवला होता. आता रणबीरच्या या चित्रपटाची तुलना राजकुमार राव आणि श्रद्धा कपूरच्या ‘स्त्री २’शी केली जात आहे. कारण कमी बजेटमध्ये बनलेला हा हॉरर कॉमेडी चित्रपट जास्त बजेटमध्ये बनलेल्या सिनेमांच्या तुलनेत वेगाने पुढे जात आहे. केवळ २१ दिवसात कलेक्शनमध्ये स्त्री २ ने कमाल केली आहे.
‘ॲनिमल’ हरवून पुढे
Sacnilk च्या रिपोर्टनुसार, ‘स्त्री २’ ने २1 व्या दिवशी तब्बल ५.५० कोटींची कमाई केली आहे. आतापर्यंतची एकूण कमाई सुमारे ४९७.८० कोटी रुपये आहे. रणबीर कपूरच्या ‘ॲनिमल’ या चित्रपटाने २१ व्या दिवशी २.४५ कोटींची कमाई केली होती.
कमी बजेटमधल्या स्त्री २ चा बॉक्स ऑफिसवर दबदबा कायम, बिग बजेट सिनेमांना मागे टाकत ७०० कोटी पार
जगभरात १०० कोटींहून अधिक कलेक्शन
चित्रपटाच्या जगभरातील कलेक्शनबद्दल बोलायचे झाले तर या चित्रपटाने आता ७१० कोटींच्या जवळ पोहोचले आहे. या वर्षी मोठे चित्रपट देशांतर्गत बॉक्स ऑफिसवरही चांगली कमाई करू शकले नाहीत.पण स्त्री २ ने कमी बजेट मध्ये उत्तम कमाई करुन स्वत:ला सिद्ध केले आहे.