जयदीप आपटे घरी येणारे, बायकोनेच दिली पोलिसांना टीप, निशिगंधांची इच्छा होती की…

सरेंडर होण्यास सांगितलं

कुटुंबीय आणि मित्रांनी जयदीप आपटेला सरेंडर करण्यास वारंवार सांगितलं होतं, परंतु तो तयार नव्हता. बुधवारी रात्री तो कल्याण येथील घरी कुटुंबीयांच्या भेटीसाठी येत असताना त्याला अटक करण्यात आली, असं बोललं जात आहे. जयदीपचं वर्कशॉप त्याच्या घराजवळच आहे. या परिसरातच काल त्याला ताब्यात घेण्यात आलं. सिंधुदुर्ग आणि ठाणे पोलिसांचे पथक जयदीप आपटेच्या मागावर होतं.
Jaydeep Apte arrest : तोंडाला मास्क, डोक्यात टोपी, कसारा लोकलने आला, घराखाली पोलिसांनी हटकलं, जयदीप आपटेच्या अटकेचा थरारक घटनाक्रम
पोलीस सूत्रांनी दिलेल्या माहितीनुसार, जयदीप आणि त्याचा एक मित्र १० दिवसांपूर्वी मालवणला पुतळा उभारलेल्या जागेला भेट देण्यासाठी निघाले होते. हेच त्याचं शेवटचं ‘ज्ञात’ लोकेशन होतं.

पत्नीने दिली टिप

पोलिसांनी दिलेल्या माहितीनुसार, जयदीप आपटेने पत्नी निशिगंधाशी संपर्क साधून घरी परत येत असल्याची माहिती दिली होती. तिनेच ही माहिती पोलिसांना दिली. आपटे कुटुंबीयांनी टाइम्स ऑफ इंडियाला प्रतिक्रिया देण्यास नकार दिला, परंतु पोलिसातील सूत्रांच्या माहितीनुसार त्याचे कुटुंबीय चिंतेत होते. जयदीपने घरी परत यावे आणि तपासात सहकार्य करावे, अशी त्यांची इच्छा होती. तपास पुढे नेण्यासाठी पोलीस आता त्याच्यासह मालवणला रवाना झाले आहेत.
जयदीप आपटेंना बॉसही वाचवू शकला नाही, अटकेच्या ८ दिवसाआधीच ठाण्यातून जामिनाची तयारी, संजय राऊत यांचा आरोप
जेजे स्कूल ऑफ आर्ट्सचा माजी विद्यार्थी असलेला नवोदित शिल्पकार जयदीप आपटे याला २०१९ मध्ये पहिल्यांदा ओळख मिळाली. ब्रिटीश सैन्याकडून दोन महायुद्धांमध्ये लढलेल्या शिखांच्या सन्मानार्थ सैनिकांची कांस्य प्रतिमा तयार करण्याचे काम त्याला देण्यात आले होते. पुढे गुजरातमधील दांडी स्मारकासाठी त्याने महात्मा गांधींचे पुत्र मणिलाल यांचा पुतळाही बांधला होता.