Mumbai Atal Setu Suicide: ॲलेक्स रेगीने आपली कार पुलावर थांबवली आणि समुद्रात उडी मारली. न्हावा-शेवाच्या एका पोलीस अधिकाऱ्याने सांगितले की, ही संपूर्ण घटना सीसीटीव्ही कॅमेऱ्यात कैद झाली आहे.
हायलाइट्स:
- कार पुलावर थांबवली, थोडावेळ विचार केला
- मुंबईत बॅंक कर्मचाऱ्याने अटल सेतूवर उडी घेतली
- घटना सीसीटीव्ही कॅमेऱ्यात कैद
अटलबिहारी वाजपेयी शिवडी-न्हावाशेवा अटल सेतूवर गेल्या काही महिन्यात आत्महत्या करण्याचे प्रमाण वाढले आहे. या सेतूवर वाहने थांबविण्यास बंदी असताना देखील प्रवासी कोणत्या ना कोणत्या कारणामुळे वाहने थांबवत असतात. सध्या अटल सेतूवर आत्महत्या करण्याचे प्रमाण वाढले आहे. काही दिवसांपूर्वी एका महिलेने आत्महत्या करण्याचा प्रयत्न केला होता. त्या आता पुन्हा एका व्यक्तीने अटल सेतूवरून उडी मारून आत्महत्या केल्याची घटना समोर आली आहे.
घडलेल्या घटनेचा तपास न्हावाशेवा पोलीस करत आहेत. आत्महत्या केलेल्या व्यक्तीने कामाच्या तणावामुळे आत्महत्या केली असल्याचे कुटुंबाकडून बोलले जात आहे. मात्र, अद्याप सुसाईट नोट पोलिसांच्या हाती नसल्यामुळे ह्या व्यक्तीने आत्महत्या का केली याचे कारण समोर आले नसून न्हावाशेवा पोलीस अधिक तपास करत आहेत.