Sanjay Raut on Jaydeep Apte arrest : छत्रपती शिवाजी महाराज पुतळा अपघात प्रकरणातील आरोपी शिल्पकार जयदीप आपटे याला काल रात्री कल्याणमध्ये अटक करण्यात आली. त्या पार्श्वभूमीवर राऊत बोलत होते.
जयदीप आपटेंना बॉसही वाचवू शकला नाही, अटकेच्या ८ दिवसाआधीच ठाण्यातून जामिनाची तयारी, संजय राऊत यांचा आरोप
संजय राऊत काय म्हणाले?
वर्षा बंगल्यावर जी शक्ती आहे, ती शक्ती मंत्रालयात आहे, मालवणात आहे, त्यामुळेच इतके दिवस जयदीप आपटे पोलिसांना चुकवू शकले. पण शिवभक्तांचा इतका दबाव आणि रेटा होता. की त्यांचे बॉसही आपटेंना वाचवू शकले नाहीत. छत्रपती शिवाजी महाराज यांच्यासंदर्भात राज्यात जे घडलं ते आधी कधीच घडलं नव्हतं, आपटेंपेक्षाही ज्यांनी त्यांना अनुभव नसतानाही काम दिलं, ते बेकायदेशीर होतं. ते सूत्रधार आजही सरकारमध्ये आहेत. त्यांच्यावर कारवाई कधी होणार? असा सवाल संजय राऊत यांनी विचारला.
शरद पवार, आपसे बैर नहीं… लेकिन समरजीत तेरी खैर नहीं.. मुश्रीफांचा नारा, म्हणतात साहेब माझ्या मागे का लागलेत?
जामिनाची तयारी आधीपासूनच
जयदीप आपटेंना अटक होण्याआधी सिंधुदुर्ग कोर्टात त्यांच्या जामिनाची तयारी आठ दिवसांपासून सुरु आहे. त्यासंदर्भात ठाण्यातून सूत्रं हलत आहेत. मी वारंवार ठाण्याचा उल्लेख करतोय. जयदीप आपटे दोन दिवसात सरेंडर होतील. ताबडतोब त्यांच्या जामिनाची व्यवस्था करा, अशी सूत्रं ठाण्यातून हलत आहेत. त्यासंदर्भात जी कायदेशीर मदत लागते, तीसुद्धा ठाण्यातून मिळत आहे. छत्रपती शिवाजी महाराज यांच्याबाबत ज्यांनी बाजार मांडला आणि केला, त्याच्या षडयंत्राचे सूत्रधार ठाण्यात आहेत, असा आरोपही संजय राऊत यांनी केला.
आम्ही यात राजकारण करु इच्छित नाही. छत्रपती शिवाजी महाराजांच्या अपमानानंतर राज्यात जी स्थिती निर्माण झाली आणि लोकभावना दडपण्याचा प्रयत्न झाला, तो कोणालातरी पाठीशी घालण्यासाठी. या कामात जो भ्रष्टाचार झाला आहे, तो दडपण्यासाठी. आमचा लढा आणि विरोध त्यासाठी आहे. कोट्यवधींचं काम मंजूर झालं आणि प्रत्यक्षात काम २०-२५ लाख रुपयात आटपलं आहे. मंजूर खर्च आणि कामात तफावत आहे. त्यामुळे तो पडला, पण मुख्यमंत्री म्हणतात की ४५ किलोमीटर ताशी वेगाने वाऱ्यामुळे पडला, अशी टीकाही संजय राऊत यांनी केली.