Chhatrapati Sambhajinagar News: रात्री मुलीकडून हातावर पती आणि मुलाच्या नावाची मेहंदी काढून घेतली. सकाळी आई दिसेना, विहिरीत पाहताच लेक घाबरली. दोघांचे मृतदेह पाहून कुटुंबाला धक्का बसला.
वंदना भरत दुधारे (वय ३५), पल्लवी भरत दुधारे (वय १७) असे आत्महत्या केलेल्या मायलेकींचं नाव आहे. या प्रकरणी अधिक माहिती अशी की, छत्रपती संभाजीनगर येथील खुलताबाद तालुक्यातील गल्लेबोरगाव येथील भरत भिकन दुधारे येथील रहिवासी आहे. त्यांची गल्लेबोरगाव येथील आखातवाडा रोडवर दुधारे वस्तीवर शेती आहे. भरत व पत्नी शेती करतात त्यांना एक मुलगा दीपक व मुलगी पल्लवी आहे. दरम्यान, बुधवार दिनांक ४ रोजी रात्री घरातील सर्व कामे आटपल्यानंतर वंदना व मुलगी पल्लवी ने हातावर मेहेंदी काढली. वंदना यांनी एका हातावर मुलाचे तर दुसऱ्या हातावर पतीचे नाव काढले. त्यानंतर माय लेकी झोपी गेल्या.
सकाळी पल्लवीला तिची आई घरात दिसली नाही. तिने जवळ असलेल्या तुरीच्या शेतात बघितले असता तिला आई कुठेही दिसली नाही. विहिरीत जाऊन डोकावले असता आईचा मृतदेह आढळला. यावेळी पल्लवीनेही विहिरीत उडी घेऊन आत्महत्या केली.
लेक आणि पत्नी दिसली नाही, विहिरीत पाहताच आक्रोश
भारत दुधरे सकाळी उठल्यानंतर त्यांना मुलगी पत्नी त्यांना कुठेही आढळून आल्या नाही. चौकशी केली असता मुलगी विहिरीकडे गेल्याचं शेजारच्यांनी सांगितले. त्यांनी विहिरीत बघितले असता वंदना यांचा मृतदेह आढळला. त्यानंतर वंदना यांचा मृतदेह बाहेर काढण्यात आला. पल्लवीचा शोध घेतला असताना तिचा मृतदेह विहिरीच्या तळाला होता.
Mother-Daughter Death: रात्री हातावर नवरा-मुलाच्या नावाची मेहंदी, सकाळी मायलेक विहिरीत मृतावस्थेत, कुटुंबाचा आक्रोश
दोघींना बाहेर काढण्यात आले. दोघींवर अंत्यसंस्कार करण्यात आले. या प्रकरणी खुलताबाद पोलीस ठाण्यामध्ये आकस्मित मृत्यूची नोंद करण्यात आली असून पुढील तपास बीट जमादार राकेश आव्हाड रमेश वडजे करीत आहेत.