Ulhasnagar : मद्यपान केलेल्या रिक्षा चालकाने उल्हासनगरमध्ये वाहतूक पोलिसाला मारहाण केली आहे. ऐन गणेशोत्सवाच्या काळात शहराची वाहतूक कोंडीचा प्रश्न वाहतूक पोलीस अतिशय नीटपणे हाताळत असतात. परंतु काही बेशिस्त रिक्षा चालकाने थेट खाकीवर हात टाकत सणालाच गालबोट लावले आहे.
रिक्षाचालकांची अरेरावी थेट खाकीवर उचलला हात! व्हिडिओ व्हायरल होताच, सोशल मीडियावर संतापाची लाट
Ghodbunder ST Bus Accident: ठाण्यात पुन्हा भीषण अपघात, भरधाव बस दुभाजकाला धडकली, मोठी दुर्घटना टळली
काय घडली घटना…
ऐन गर्दीच्या वेळई उल्हासनगर कॅम्प ३ मध्ये रिक्षा चालक आणि एका महिलेचा वाद सुरू होता. संबंधित घटनेमुळे आजूबाजूच्या भागात वाहतूक कोंडी झाली. वाहतूक पोलीसाला सदरची बाब कळताच त्यांनी भांडण सोडवण्यासाठी घटनास्थळी धाव घेतली. सुरू असलेला वाद मिटवण्यासाठी वाहतूक पोलीस मोहन पाटील यांनी रिक्षाचालक आणि महिलेमध्ये मध्यस्थी करण्याचा प्रयत्न केला. वाहतूक पोलीसाने रिक्षा चालकाची विचारपुस केली असता रिक्षा चालक मद्यधुंद असल्याचे पोलीसाच्या लक्षात आले. त्यानंतर रिक्षा चालक वाहतूक पोलिसाशी हुज्जत घालू लागला. पोलीसाने अखेर हुज्जत थांबवत रिक्षा चालकाला पोलीस स्टेशनला घेवून जाण्यासाठी निघाले.
रिक्षाचालकांची अरेरावी थेट खाकीवर उचलला हात! व्हिडिओ व्हायरल होताच, सोशल मीडियावर संतापाची लाट
पण वाहतूक पोलीस रिक्षा चालकाला पोलीस स्टेशनला नेत असताना. रिक्षा चालकाच्या दोन रिक्षा चालकच मित्रांनी वाहतूक पोलीस मोहन पाटील यांना मारहाण केली. त्यानंतर गुन्हेगार रिक्षा चालकाने पोलीस मोहन पाटील यांना बेदम मारहाण केली. संपूर्ण मारहाणीत मोहन पाटील जमिनीवर कोसळले. दरम्यान याप्रकरणी पोलीस ठाण्यात गुन्हा दाखल करण्याची प्रक्रिया सुरु आहे. पण सोशल मीडियावर वाहतूक पोलीसाच्या मारहाणीचा व्हिडिओ चांगलाच व्हायरल झाला आहे. याआधी सुद्धा राज्यात अनेकदा वाहतूक पोलीसांना फरफटत नेणे, वाहतूक पोलीसांना धडके देणे किंवा त्यांचावर हात उगारणे अशा घटना झाल्या आहेत. ऐन सणासुदीच्या काळात अशी घटना घडल्याने सगळीकडून संताप व्यक्त होत आहे.