राऊतांच्या खाद्यांवर बंदूक ठेवून चाळे करु नका; मनोज जरांगेंचा देवेंद्र फडणवीसांना इशारा

मनाेज जरांगे म्हणाले, देवेंद्र फडणवीसांनी अजून ओळखलं नाही जरांगे रसायन काय आहे तर तु माझ्या नादी लागू नकोस. मी चुकल्या शिवाय कुणाला बोलत नाही. तु उलट्या दिशेने फितुरीच्या दिशेने चाललास. तु चुकीचं केलं त्याला काही महत्त्व द्यायची गरज नाही असा थेट हल्लाबोल मनोज जरांगे यांनी केला आहे. मात्र राजेंद्र राऊतांच्या खाद्यांवर बंदूक ठेवत फडणवीस टीका करत आहेत असा गंभीर आरोप सुद्धा जरांगे यांनी केला आहे.

मनोज जरांगे म्हणाले बार्शीला घोंगडी बैठक होणारच. देवेंद्र फडणवीसांची इतकी पॉवर आहे का राज्यात, राऊतांच्या खाद्यांवर बंदूक ठेवून चाळे करु नका. माझ्या मागे इतके आहेत पण राऊत चार लोक मागे आले म्हणून हुरळून जावू नका असा सल्ला जरांगेंनी राऊतांना दिला. मराठ्यांच्या आंदोलनामुळे भाजपच्या माजी आमदारांना सुद्धा किंमत आली असे भाजप नेते मला येऊन सांगत आहेत असा दावा मनोज जरांगेंनी केला. राजेंद्रदादा त्याला देवेंद्र फडणवीस म्हणतायात तो साधा नाही माणूस. माझे काही नाही माझ्या नादाला फडणवीस लागू शकत नाही पण तुमचे काय असा सवाल जरांगेंनी केला आहे. आता फडणवीसांनी राजेंद्र राऊतांच्या हातात माझी सुपारी दिली आहे पण आम्ही मागे हटणार नाही बार्शीत बैठक घेणारच असे आव्हान जरांगेंनी केले आहे.