लेकाला काळजीचा सल्ला, तो संतापला; दगड घेऊन डोक्यात घातला, जेवणाच्या ताटावरच बापाने जीव सोडला

वडिलांची हत्या केल्यानंतर या निर्दयी मुलाने घटनास्थळावरून पोबारा केला. त्यानंतर परिसरातील नागरिकांना ही घटना कळताच या घटनेची माहिती मिळताच पिंपळनेर पोलिसांना देण्यात आली. पोलिसांनी तात्काळ घटनास्थळी धाव घेतली आणि तपास यंत्रणांच्या माध्यमातून तपास सुरू केला आहे. त्याचबरोबर खुनी मुलाच्या तपासासाठी देखील शोध पथक तैनात करण्यात आले आहे. लवकरात लवकर या मारेकरी मुलाचा शोध लावून त्याच्या मुसक्या आवळण्यात येतील, असा विश्वास पोलीस अधिकाऱ्यांतर्फे व्यक्त करण्यात आला आहे.
Chandrapur News: कॉलेजचं सांगून घरातून निघाला, तो परतलाच नाही, मग नदीच्या पुलावर बाइक अन् चप्पल, कुटुंब हादरलं

वडिलांच्या बोलण्याचा राग अनावर

बापू पांड्या कुवर असं मृत ५३ वर्षीय वडिलांचे नाव आहे. ते शेती काम करत होते, तर विजय कुवर (वय वर्ष २५) असे मारेकरी मुलाचे नाव आहे. वडील जेवण करत असताना वडिलांच्या बोलण्याचा राग अनावर झाल्याने विजय कुवर याने संतापाच्या भरात थेट दगडच वडिलांच्या डोक्यात घातला. या घटनेत बापू पांड्या हे रक्ताच्या थारोळ्यात पडले. त्यांना रक्ताच्या थारोळ्यात तसेच सोडून विजय कुवर याने घटनास्थळावरून पळ काढला.

मुलगा चिडखोर स्वभावाचा

घटनेची माहिती मिळाताच पिंपळनेर पोलीस ठाण्याचे अधिकारी कर्मचारी घटनास्थळी दाखल झाले. त्यांनी घटनास्थळाची पहाणी करून बापू कुवर यांचा मृतदेह शवविच्छेदनासाठी पिंपळनेर रुग्णालयात पाठवला. दरम्यान, मुलगा विजय कुवर हा चिडखोर स्वभावाचा असून त्याच्या डोक्यावर परिणाम झाला असल्याचे सांगण्यात येत आहे. घटनेनंतर तो पसार झाला असून पोलीस त्याचा शोध घेत आहेत, एकुलल्या एक मुलाने वडिलांचा खून केल्याने तालुक्यात हळहळ व्यक्त होत आहे.