Raigad Crime News: रायगडच्या कर्जतमध्ये तिहेरी हत्याकांड घडलं आहे. एकाच कुटुंबातील तिघांची हत्या झाली आहे. मृतांमध्ये पती, पत्नी आणि मुलाचा समावेश आहे.
मदन जैतु पाटील वय (३५ वर्षे), त्यांची सात महिन्यांची गर्भवती पत्नी अनिशा मदन पाटील (वय ३० वर्षे) आणि त्यांचा १० वर्षांचा मुलगा विनायक मदन पाटील अशी मृतांची नावं आहेत. सणासुदीच्या काळात ही घटना घडल्यानं आसपासच्या भागात खळबळ उडाली आहे. या तिघांचे मृतदेह कर्जत येथील उपजिल्हा रुग्णालयात शवविच्छेदन करण्यासाठी आणण्यात आले असून या ठिकाणी मयत मदन पाटील यांच्या नातेवाईक यांच्यासहित नागरिकांनी गर्दी केली आहे. मदन पाटील अंदाजे वीस वर्षापासून चिकन पाडा येथे राहण्यास आहेत. तिहेरी हत्याकांडाचा तपास पोलीस करत आहेत.