Vidhan Sabha Election : आगामी विधानसभा निवडणुकीत अजित पवारच मुख्यमंत्री म्हणून किंगमेकर राहतील असा विश्वास अमोल मिटकरी यांनी व्यक्त केला आहे.
महाराष्ट्र टाइम्स.कॉमअमोल मिटकरी म्हणाले अजित पवार किंगमेकर होतीलअकोला, प्रियंका जाधव: राज्यात विधानसभा निवडणुकीचे रणशिंग सर्वच राजकीय पक्षाने फुंकले आहे. अशातच काल गणरायांच्या चरणी सर्वच राजकीय पक्षांच्या कार्यकर्त्यांनी आपलाचा नेता मुख्यमंत्री व्हावा असे साकडे घालत होते. पण अशातच आता राष्ट्रवादी काँग्रेस पक्षाचे नेते आणि आमदार अमोल मिटकरी यांनी थेट अजित पवार यांना किंगमेकर म्हणत मुख्यमंत्री अजिदादा बनतील असे भाकित केले आहे. अमोल मिटकरी यांचे विधान युतीतील मित्रपक्षांना विधानसभेसाठी इशारा आहे का? असे राजकीय वर्तुळात म्हटले जात आहे. मागील काही दिवसांपासून राज्यात महायुतीत सर्व काही सुरळित सुरु नसल्याचे दिसून येत आहे. अशातच अमोल मिटकरी यांनी एक नवे विधान केले आहे. अमोल मिटकरी म्हणाले, अजित पवार किंगमेकर होते , आहेत आणि राहतील तर आगामी २०२४ च्या विधानसभा निवडणुकीत अजित पवारच मुख्यमंत्री म्हणून राज्याचे किंगमेकर राहतील असा थेट विश्वास राष्ट्रवादी काँग्रेसचे आमदार अमोल मिटकरी यांनी व्यक्त केला आहे.
तर अजित पवार यांनीच बारामतीची निवडणूक लढावी अशी आमची आणि पक्षाची भूमिका असल्याचं अमोल मिटकरी म्हणाले. राष्ट्रवादी काँग्रेसचे नेते अजित पवार यांनी पत्नीला बहिणीच्या विरोधात लोकसभेच्या निवडणुकीत उभे केले ही चूक झाली असं वक्तव्य करीत जाहीर खंत व्यक्त केली होती. मात्र यावर ठाकरे गटाचे नेते संजय राऊत यांनी अजित पवारांवर बोचरी टीका केलीय.
अजित पवार यांना स्वार्थी म्हणत संजय राऊत यांची पवारांवर टीकेची झोड उठवली. संजय राऊत म्हणाले, स्वार्थी लोकांना खंत वाटत नाही असं वक्तव्य संजय राऊत यांनी केले आहे. यावर राष्ट्रवादी काँग्रेसचे आमदार अमोल मिटकरी यांनी संजय राऊतांवर पलटवार केलाय. संजय राऊत यांना अमोल मिटकरी यांनी रिकामटेकडा म्हणत टीका केली आहे. तर संजय राऊत हे आगलावे व्यक्ती आहेत असे विशेषण राऊतांना मिटकरींना दिले आहे. ठाकरे कुटुंब, पवार कुटुंब, आणि एकनाथ शिंदेंना शिवसेना पासून दूर करण्याचं काम संजय राऊतांनी केले असल्याचा आरोप अमोल मिटकरींनी केला आहे.
लेखकाबद्दलप्रतीक्षा बनसोडेपत्रकारिता क्षेत्रातील पाच वर्षाचा अनुभव आहे. महाराष्ट्र टाइम्स ऑनलाईनमध्ये सध्या डिजिटल कंटेंट प्रोड्युसर म्हणून कार्यरत आहेत. याआधी डीडी नॅशनल, लोकशाही वृत्तवाहिनीमध्ये रिपोर्टर म्हणून काम केले आहे. झी २४ तासमध्ये डिजीटल टीममध्ये काम केलं आहे. राजकीय आणि सामजिक बातम्या लिहिण्याची आवड आहे…. आणखी वाचा