Ravikant Tupkar Admitted To Hospital : रविकांत तुपकर यांनी शेतकऱ्यांच्या मागण्यांसाठी अन्नत्याग आंदोलन केलं होतं. सरकारने त्यांना बैठकीसाठी बोलावल्यानंतर त्यांनी आंदोलन मागे घेतलं, मात्र आता त्यांची तब्येत बिघडली आहे. त्यांना रुग्णालयात दाखल करण्यात आलं आहे.
अन्नत्याग आंदोलनामुळे रविकांत तुपकर यांची प्रकृती बिघडली, रुग्णालयात दाखल; थ्रोट इन्फेक्शनसह किडनीवरही परिणाम
रविकांत तुपकर यांच्या आंदोलनाची सरकारने दखल घेतली असून राज्याचे उपमुख्यमंत्री अजित पवार यांनी मागण्यासंदर्भात ११ सप्टेंबर रोजी मुंबई येथे बैठक बोलावली आहे. अजित पवार आणि संबंधित विभागाचे अधिकारी यांच्या उपस्थितीत होणाऱ्या बैठकीला रविकांत तुपकर यांना चर्चेसाठी बोलावण्यात आले आहे. प्रशासनाच्या वतीने जिल्हाधिकारी यांच्या स्वाक्षरीचे पत्र उपविभागीय अधिकारी प्रा. संजय खडसे यांनी रविकांत तुपकरांना बैठकीच्या निमंत्रणाचे लेखी पत्र दिले आहे. जिल्ह्याचे पालकमंत्री दिलीप वळसे पाटील आणि कृषी मंत्री धनंजय मुंडे यांनी या बैठकीसाठी मध्यस्थी केली.
राजकारण करायचे असेल तर थेट राजकारणात उतरावं, आरक्षणाच्या आड राहून राजकारण नको; जरांगेंना आमदाराचा सल्ला
शासनाने आंदोलनाची दखल घेऊन तुपकरांना चर्चेसाठी बोलावले आहे, त्यामुळे तुपकर यांनी आंदोलन मागे घ्यावे अशी विनंती शेतकरी आणि सहकाऱ्यांनी केली. त्यानंतर रविकांत तुपकर यांनी आंदोलन स्थळी उपस्थित महिलांच्या हस्ते आणि माँसाहेब जिजाऊ चरणी नतमस्तक होत आपले अन्नत्याग आंदोलन तूर्त स्थगित केले. बैठकीत काय निर्णय होतो हे पाहून पुढील दिशा ठरवू, जर ठोस निर्णय झाले नाही, तर राज्यभर आक्रमकपणे पुन्हा रस्त्यावर उतरू, असे रविकांत तुपकर यांनी सांगितले.
अन्नत्याग आंदोलनामुळे रविकांत तुपकर यांची प्रकृती बिघडली, रुग्णालयात दाखल; थ्रोट इन्फेक्शनसह किडनीवरही परिणाम
तुपकरांच्या आंदोलनाचा चौथा दिवस असून त्यांची प्रकृती खालावली असतांनाही सरकार या आंदोलनाकडे दुर्लक्ष करत असल्याने कार्यकर्ते आणि शेतकरी आक्रमक झाले होते. ८ सप्टेंबर रोजी रास्तारोको आंदोलन असल्याने परिस्थिती अधिक चिघळण्याची शक्यता निर्माण झाली होती. मात्र शनिवारी सायंकाळी सरकारच्या वतीने उपविभागीय अधिकारी प्रा. खडसे यांनी रविकांत तुपकर यांची भेट घेऊन त्यांच्याशी चर्चा करून उपमुख्यमंत्री अजित पवार यांनी आंदोलनाची दखल घेतली असून शेतकऱ्यांच्या मागण्या आणि समस्यांबाबत सविस्तर चर्चा करण्यासाठी विशेष बैठक बोलावल्याचे सांगितले, त्यानंतर तुपकरांनी हे आंदोलन तूर्तास मागे घेतले आहे.