Rajendra Raut : आमदार राजेंद्र राऊतांचा पुन्हा मनोज जरांगेंवर मोठा आरोप नवा वाद होण्याची शक्यता आहे. रोहित पवारांमुळे जरांगे पाटील माझ्या विरोधात बोलू लागले आहेत असा गंभीर आरोप राजेंद्र राऊत यांनी मनोज जरांगेंवर लावला आहे.
दिलीप सोपल,शरद पवार आणि रोहित पवार अशी साखळी
आमदार राजेंद्र राऊत पुढे बोलताना म्हणाले, बार्शी तालुक्याचे माजी आमदार दिलीप सोपल, रोहित पवार, शरद पवार अशी साखळी आहे.मागील महिन्यात याच तिघांची भेट बार्शी मध्ये झाली होती. रोहित पवारांनी बार्शीत येऊन माझ्यावर टीका केली असता,मी त्याला प्रतिउत्तर दिले होते. त्यानंतर लगेच रोहित पवारांच्या सोशल मीडिया टीमने माझ्या विरोधात कटकारस्थान सुरू केले. रोहित पवारांच्या सोशल मीडियाचा केंद्रबिंदू हा जालना येथे आहे,त्याबाबत लवकरच सर्व काही उघडकीस येईल असं आमदार राजा राऊत यांनी विश्वास व्यक्त केला आहे.
पवारांविरोधात बोललो म्हणून मनोज जरांगे बोलतायत, आमदार राजेंद्र राऊतांचा खळबळजनक दावा
२३ सप्टेंबर पासून ठिय्या आंदोलन करणार
आमदार राजेंद्र राऊत यांनी आणखी एक मोठी घोषणा केली आहे. २३ सप्टेंबर पासून बार्शी शहरातील शिवसृष्टी येथील छत्रपती शिवाजी महाराज यांच्या पुतळ्यासमोर ठिय्या आंदोलन करणार आहे. मराठा समाजाच्या सर्वच पक्षाच्या आमदारांनी लेखी स्वरूपात लिहून द्यावं,मराठा समाजाला ओबीसी कोट्यातून आरक्षण द्यावं,आणि विधानसभेच विशेष अधिवेशन बोलवावं अशी मागणी केली मी केली आहे. माझ्या मागणीप्रमाणे बाकीच्या आमदारांनी मागणी करावी विधानसभेत लेखी स्वरूपात द्यावं अशी माहिती आमदार राजेंद्र राऊत यांनी दिली आहे. यासह २३ सप्टेंबर पासून बार्शीत दररोज ठिय्या आंदोलन करणार असल्याची घोषणाही आमदार राजेंद्र राऊत यांनी दिली आहे.