Maharashtra Assembly Election 2024: विधानसभा निवडणुकीच्याआधी शिवसेना शिंदे गटातून एक मोठी बातमी समोर आली आहे. शिंदे गटातील दोन कट्टर विरोधक आले एकत्र आले आहेत.
शिवसेने दोन गट पडल्यानंतर मात्र मुख्यमंत्री शिंदे आणि राज ठाकरे हे एकमेकांना नेहमीच भेटताना दिसले. त्यातच राज ठाकरे यांनी महायुतीला बिनशर्त पाठिंबा दिला. त्यामुळे मनसे आणि शिवसेना दोन्ही पक्षाची जवळीक वाढली आणि बदलते राजकारण पाहता श्रीकांत शिंदे आणि राजू पाटील यांनी मतभेत विसरून एक हात मैत्रीचा पुढे करत मनोमिलन केल्याचे लोकसभेपूर्वी सर्वानीच पाहिले. यातच आता विधानसभा निवडणूक पूर्वी शिंदेच्या शिवसेनेतील माजी नगरसेवक, सभापती रमेश म्हात्रे आणि दिपेश म्हात्रे यांनी आपली पूर्वीची राजकीय शत्रूत्व विसरून एकत्र आल्याचे दिसून आले. विशेष म्हणजे गप्पा टप्पा करताना आणि हसत असताना त्याचे फोटो आहेत.त्यामुळे सर्वांच्या भुवया उंचवल्या असून त्याचे एकत्रित फोटो व्हायरल झाल्याने चर्चांना उधाण आले आहे.
दरम्यान डोंबिवली आमदार, कॅबिनेट मंत्री रवींद्र चव्हाण आणि कल्याण ग्रामीणचे मनसे आमदार राजू पाटील यांच्या विरोधात दिपेश म्हात्रे आणि रमेश म्हात्रे उभे राहू शकतात अशी चर्चा सुरु झाली. मंत्री रवींद्र चव्हाण यांनी दीपेश म्हात्रे यांचा पराभव केला होता. तर मनसे आमदार राजू पाटील यांनी रमेश म्हात्रे यांचा पराभव केला होता. रवींद्र चव्हाण आणि राजू पाटील हे शेजारी आहेत, त्याच्या चांगली मैत्री आहे, मागच्या निवडणुकीत त्यांनी एकमेकांना मदत केल्याचे बोलले जात आहे. त्यामुळेच या निवडणुकीत जुनी राज्यकीय दुश्मनी विसरून दीपेश म्हात्रे आणि रमेश म्हात्रे एकत्र आले तर नाही ना? असा सवाल उपस्थिती केला जात आहे. चव्हाण आणि पाटील यांना घेरण्यासाठी शिंदे शिवसेनेकडून हा प्लॅन असू शकतो तर दोघेही ठाकरे गटाकडून निवडणूक लढवू शकतात,असे राजकीय जाणकांरांचे मत आहे.
माजी नगरसेवक, सभापती रमेश म्हात्रे यांच्या घरी गणेश दर्शनासाठी माजी नगरसेवक,सभापती दीपेश म्हात्रे गेले होते, रमेश म्हात्रे यांनी आमंत्रण दिले होते आणि दीपेश म्हात्रे गेले दर्शनाला गेले, तसेच रमेश म्हात्रेही दिपेश म्हात्रे यांच्या घरी दर्शनाला जाणार आहेत अशी माहिती सूत्रांनी दिली आहे.