Stree 2 Box Office Collection:राजकुमार राव, श्रद्धा कपूर, पंकज त्रिपाठी यांच्या ‘स्त्री २’ चित्रपटाची कमाई बॉक्स ऑफिसवर थांबण्याचे नावच घेत नाहीये. ५० कोटी रुपये खर्चून बनलेला हा चित्रपट गेल्या २८ दिवसांत मालामाल झाला आहे.
२०१८ मध्ये प्रदर्शित झालेल्या ‘स्त्री’ चित्रपटाचा सीक्वल असलेल्या ‘स्त्री २’ बद्दल निर्मात्यांनाही तो इतका कमवेल अशी अपेक्षा नव्हती, पण २८ दिवस उलटून गेले तरी या सिनेमाची क्रेझ काही कमी होत नाहीये. पहिल्या दिवसापासून हा चित्रपट रोज नवनवे विक्रम मोडत आहे. चंदेरी गावातील सरकटेची दहशत सगळ्यांनाच आवडली आहे.
सुमारे आठ कोटी रुपयांची गरज
या चित्रपटाने आतापर्यंत ५३६.६० कोटींची कमाई केली आहे. इतक्या दिवसांनंतरही ‘स्त्री २’ ज्या ताकदीने उभा आहे ती ताकद मोठ्या चित्रपटातही दिसली नाही. स्त्री २ ने सर्वच मोठ्या चित्रपटांना हरवले आहे. ‘स्त्री २’ भारतातील अव्वल कमाई असलेल्या चित्रपटांच्या यादीत झपाट्याने पुढे जात आहे. आता शाहरुख खानच्या ‘पठाण’ या सर्वाधिक कमाई करणाऱ्या सिनेमाला मागे टाकण्यासाठी त्याला सुमारे ८ कोटी रुपये अधिक कमवावे लागतील. त्यानंतरच हा चित्रपट सातव्या स्थानावर पोहोचू शकतो. Sacnilk च्या रिपोर्टनुसार, चित्रपटाने २८ व्या दिवशी बुधवारी जवळपास ३ कोटींची कमाई केली आहे.
शाहरुखच्या सुपरहिट सिनेमावर ‘स्त्री 2’ची सावली, काही कोटींच्या कमाईने मोडणार रेकॉर्ड
जगभरातील कमाई ८०० कोटींच्या पुढे
जगभरातील कलेक्शनच्या आकडेवारीवर नजर टाकली तर ‘स्त्री २’ची कमाई जवळपास ८०३ कोटी रुपये झाली आहे. त्याचबरोबर या चित्रपटाने भारताबाहेर आतापर्यंत केवळ १२३ कोटींची कमाई केली आहे