आजचे अंकभविष्य, 13 सप्टेंबर 2024: गुंतवणूक करताना तज्ज्ञांचा सल्ला महत्त्वाचा ! ताणतणाव वाढू देऊ नका ! जाणून घ्या, अंकशास्त्रानुसार तुमचे राशीभविष्य

मूलांक 1 साठी आजचा दिवस अनुकूल आहे. धनसंपत्ती मिळविण्याचे विविध मार्ग आज खुले होणार आहेत त्याचा लाभा घ्या. तुम्ही भूतकाळात केलेली गुंतवणूक तुम्हाला चांगला लाभ देईल. आरोग्याच्या दृष्टीने आजचा दिवस चांगला आहे. व्यापारी वर्ग देखील नवीन व्यवसाय सुरू करण्याच्या विचारात असतील, तर आजचा दिवस उत्तम आहे. कुटुंबातील सदस्यांसोबत आजचा दिवस आनंदाने व्यतीत होईल. जोडीदारासोबत मधुर संबंध त्याचा तुम्हालाचा फायदाच होईल.

मूलांक 2 असणाऱ्या लोकांसाठी आजचा दिवस उत्तम आहे. तुम्ही प्रत्येक काम खूप उत्साहाने करणार आहात. धनसंपत्तीच्या बाबतीत आजचा दिवस चांगला असून धनलाभ देणारे अनेक मार्ग तुमच्यासमोर येतील त्याचा लाभ घ्या. आज तुम्ही भावनिक होणार आहात दरम्यान कोणाकडून जास्त अपेक्षा ठेवू नका. अन्यथा, तुमच्या भावनांचा गैरफायदा तुमचे सहकारी घेऊ शकतात. कोणतेही काम करताना सतर्क राहा. कुटुंबाच्या बाबतीत आजचा दिवस सामान्य आहे. जोडीदारासोबत नीट बोला, त्यांचा आदर करा, तुमची कामे पटापट मार्गी लागतील.

मूलांक 3 असणाऱ्यांसाठी आजचा दिवस उत्तम आहे. गुंतवणूक करण्यासाठी योग्य वेळ आहे त्याचा तुम्हाला भरपूर लाभ होईल. व्यापाऱ्यांसाठी आजचा दिवस अनुकूल असून व्यवसायाची प्रगती करण्यासाठी विविध योजनांची अंमलबजावणी कराल. तुमचे वागणे आणि तत्परता याचे कौतुक होणार आहे. शिक्षण क्षेत्राशी संबंधीत काम करणाऱ्यांसाठी आजचा दिवस चांगला असून प्रगतीचे मार्ग खुले होणार आहेत. जोडीदारासोबत बाहेर फिरायला जाण्याचा योग आहे.

मूलांक 4 साठी आजचा दिवस फारसा ठिक नाही. सगळीकडे तुम्हाला नकारात्मकता दिसेल. तुमच्यामधील अहंकार आज उफाळून येण्याची शक्यता आहे. यामुळे ऑफिसमध्ये तुमचे विरोधक वाढणार आहेत. तुमच्या कार्यक्षेत्रात जास्त शत्रू निर्माण होण्याची शक्यता आहे. गुंतवणूक करत असाल तर आधी विचार करा. अनावश्यक खर्च तुमचे टेन्शन वाढविणार आहेत. त्याचा थेट परिणाम तुमच्या आरोग्यावर होईल. कुटुंबाच्या बाबतीतही तुमचा अहंकारी स्वभाव दिसून येणार आहे. घरातील ज्येष्ट व्यक्तीसोबत वाद होण्याची शक्यता आहे. जोडीदारासोबत छोट्या कारणांमुळे खटके उडू शकतात.

मूलांक 5 साठी आजचा दिवस चांगला आहे. तुम्ही अत्यंत उत्साहाने आणि बुद्धी चातुर्य वापरून तुमचे काम वेळेत पूर्ण कराल. धनसंपत्तीच्या बाबतीत आजचा दिवस अनुकूल आहे. जमिनीमध्ये गुंतवणूक करण्याचा विचार करत असाल तर तुम्हाला फायदा होईल. व्यवसायाच्या बाबतीत आजचा दिवस उत्तम असून व्यवसाय वाढीचे प्रयत्न सफल होतील. नोकरदारांच्या बाबतीत आजचा दिवस सामान्य असून नोकरीत काही बदल करण्याचा निर्णय पुढे ढकला, कारण वेळ अनुकूल नाही. कुटुंबासोबत आणि जोडीदारासोबत दिवस आनंदात जाणार आहे.

मूलांक 6 साठी आजचा दिवस चांगला असून नशिबाची उत्तम साथ मिळणार आहे. धनसंपत्तीची आवक आहे तसेच आर्थिक स्थिती उत्तम असेल. तुम्ही आज खूप खरेदी करणार आहात. खास करून सजावटीच्या वस्तू खरेदी कराल. तुमच्या कामात येणाऱ्या अडचणी आज दूर होतील. तुमच्या व्यवसायात सामान्यपेक्षा अधिक नफा होईल, परंतु काही अनावश्यक खर्चे वाढू शकतात. प्रेमप्रकरणामुळे मानसिक ताण येवू शकतो तसेच कुटुंबातील अडचणी वाढू शकतात. कुटुंबाच्या बाबतीत आजचा दिवस चांगला आहे.

मूलांक 7 साठी आजचा दिवस सामान्य आहे. धनसंपत्तीच्या बाबतीत दिवस ठिक असून गुंतवणूक करताना नीट विचार करा आणि कागदपत्रांची तपासणी करा, अन्यथा नुकसान होवू शकते. व्यवसायासाठी आजचा दिवस अनुकूल असून व्यवसाय वृद्धीचे योग आहेत. नोकरीच्या बाबतीत, पगारात वाढ होण्याची शक्यता आहे. कुटुंबाच्या बाबतीत आजचा दिवस सामान्य असून, तुम्ही कामात खूप व्यस्त राहणार आहात. कुटुंबासोबत आज फार वेळ घालवू शकणार नाही. जोडीदारासोबत दिवस सामान्य असेल.

मूलांक 8 साठी दिवस फारसा चांगला नाही. तुमची धनसंपत्ती कुठेतरी अडकणार आहे किंवा पेमेंट रखडणार आहे असे वाटते. व्यवसायाच्या बाबतीत कोणताही महत्त्वाचा निर्णय घेणे टाळा. आजचा वेळ अनुकूल नाही. नोकरी करणाऱ्यांनी प्रत्येक काम सावध आणि सतर्क राहून करा. नोकरी बदलण्याचा विचार करत असाल तर तो पुढे ढकला. आज तुमची चिडचिड होण्याची शक्यता आहे. कुटुंबातील सदस्यांसोबत तसेच जोडीदारासोबत वाद होण्याची शक्यता आहे. रागावर नियंत्रण ठेवा आणि शांतपणे वागा

मूलांक 9 साठी आजचा दिवस खूप चांगला आहे. धनसंपत्तीत वाढ होणार आहे. तुमचे रखडलेले पेमेंट मिळणार आहे. रागावर नियंत्रण ठेवण्याचा प्रयत्न करा कारण काही कारणामुळे चिडचिड होण्याची शक्यता आहे. तुमच्या कामात अडथळे येण्याची शक्यता आहे. कुटुंबातील वृद्ध व्यक्तीसोबत वादाची शक्यता आहे. तुम्ही शांत राहा आणि सौम्य भाषेचा वापर करा. जोडीदारासोबत चांगले संबंध ठेवणे तुमच्यासाठी फायद्याचे ठरेल.