Ganpati Naivedya : लाडक्या बाप्पाला नैवेद्याच्या ताटात आवर्जून अर्पण करा ५ पदार्थ, धन संपत्तीत होईल वाढ, लाभेल सुख-समृद्धी

गणपतीला बुंदीचा लाडू अतिशय प्रिय मानला जातो. असे म्हटले जाते की, बुंदीचा लाडू अर्पण केल्याने बाप्पा प्रसन्न होऊन आपल्याला आशीर्वाद देतो. तसेच घरात सुख-समृद्धी नांदते.

नैवेद्याच्या ताटात लाडक्या गणरायाला खीर ही अर्पण करु शकता. असे केल्याने आर्थिक समस्यांपासून सुटका होते. धनलाभ होण्याची शक्यता अधिक असते.

गणपतीला मोदक अतिशय प्रिय आहे. पौराणिक कथेनुसार बाप्पाचा दात तुटल्यामुळे त्याला काहीही खाता येत नव्हते. त्यावेळ देवी पार्वतीने त्यांची भूक क्षमवण्यासाठी उकडीचे मोदक बनवले होते. तेव्हापासून गणेशाला मोदक हे अतिशय आवडतात. मोदकाचा नैवेद्य अर्पण करताना ते २१ प्रमाणात ठेवायला हवे. यामुळे गणपतीचा आशीर्वाद आपल्यावर राहातो.

कोणत्याही पूजेत सर्व देवी-देवतांना केळी अर्पण केली जाते. केळी हे विष्णू देवतेचे प्रतिक मानले जाते. त्यामुळे श्रीगणेशासोबतच आपल्यावर विष्णू देवाची कृपा राहाण्यासाठी केळीचा किंवा केळीपासून बनवलेला नैवद्य अवश्य बाप्पाला दाखवा.

गणपतीच्या पूजेत नारळाला अधिक महत्त्व आहे. नारळाला कल्पवृक्ष म्हणूनही ओळखले जाते. यामध्ये ब्रह्मा, विष्णू आणि महेश या तिघांचा वास असतो. त्यामुळे नारळ हा सर्व देवांना प्रिय आहे.