Shukra Gochar 2024 In Tula : शुक्र ग्रह तब्बल एक वर्षाच्या कालावधीनंतर 18 सप्टेंबरला तुळ राशीमध्ये प्रवेश करणार आहेत. शुक्र आपल्या स्वराशी तुळमध्ये येवून मालव्य राजयोग तयार करेल. ज्योतिष शास्त्रानुसार शुक्र ग्रह सुखसुविधा आणि ऐशोआराम देणारा ग्रह मानला जातो. त्यामुळे जेव्हा मालव्य राजयोग तयार होतो काही राशींचे भाग्य चमकते आणि त्यांना सुखसमृद्धी प्राप्त होते. यंदा तयार होणाऱ्या मालव्य योगामुळे कर्क आणि धनु राशीसह 5 राशींचा भाग्योदय होणार आहे. बँक बॅलन्स वाढणार असून तुमचे जीवन सुख सुविधांनी संपन्न होणार आहे. करिअरमध्ये प्रगतीची संधी तर व्यवसायात नवे प्रोजेक्ट मिळणार आहेत. चला तर मग पाहूया शुक्राच्या संक्रमणामुळे कोणत्या राशी धनवान होणार आहेत.
वृषभ राशीवर शुक्र संक्रमणाचा प्रभाव
शुक्र संक्रमणाचा वृषभ राशीवर उत्तम प्रभाव पडणार आहे. तुमच्यातील साहस आणि पराक्रम यात वाढ होईल. तुम्ही घेतलेले निर्णय आणि तुम्ही केलेले कार्य याचे कौतुक होणार आहे. अध्यात्मामध्ये तुमची रुची वाढणार आहे. तुम्ही एकदा ठरले एखादी गोष्ट करायची आहे तर ती पूर्ण करुनच राहणार. परदेशात नोकरी करण्याचा विचार करत असला तर संधी मिळेल. परदेशी नागरिकत्वासाठी प्रयत्न केलात तर त्यातही यश मिळेल. समाजात तुमचा मान-सन्मान होणार असून प्रतीष्ठा वाढणार आहे.
कर्क राशीवर शुक्र संक्रमणाचा प्रभाव
शुक्र संक्रमणामुळे कर्क राशीच्या जातकांचे भौतिक सुख वाढणार आहे. धनलाभाचा योग असून बँक बॅलन्स वाढेल. बचत करण्यात तुम्ही यशस्वी होणार आहात. आर्थिकदृष्ट्या हा काळ तुमच्यासाठी लाभदायक असून ऑफिसच्या कामात खूप सुधारणा होणार आहे. तुमची आर्थिक स्थिती सुधारेल आणि तुमचे पेंडीग पेमेंट होणार आहे. उत्पन्नाचे नवीन स्रोत मिळतील त्याचा लाभ घ्या. कर्ज फेडण्यात यश मिळेल.
तुळ राशीवर शुक्र संक्रमणाचा प्रभाव
शुक्राचे संक्रमण तुळ राशीच्या लग्‍न घरात होत असल्यामुळे हा काळ तुमच्यासाठी अत्यंत शुभ मानला जातो आहे. स्पर्धा परीक्षांमध्ये बसलेल्या विद्यार्थ्यांना अचानक यश मिळेल. प्रेमसंबंधात गोडवा वाढेल. जर तुम्ही प्रेमविवाह करायचा विचार करत असाल, तर हा काळ अनुकूल आहे. मुलाच्या जबाबदाऱ्या पूर्ण होतील. नवविवाहित जोडप्यांसाठी संतानप्राप्तीचे शुभ योग जुळून येत आहेत. जे लोक बऱ्याच काळापासून नोकरी बदलण्याचा विचार करत होते, त्यांना या काळात यश मिळू शकेल.
धनु राशीवर शुक्र संक्रमणाचा प्रभाव
शुक्र संक्रमणाचा धनु राशीच्या लोकांवर अत्यंत शुभ प्रभाव राहणार आहे. तुम्ही घेतलेले संकल्प पूर्ण होणार आहेत. तुमच्या कामात उत्साह असेल. हा काळ तुमच्यासाठी खूपच फलदायी असून कोणतेही मोठे कार्य सुरू करायचे असल्यास वेळ उत्तम आहे. नवीन व्यवसाय सुरू करायचा आहे किंला नवीन डिल फायनल करायची असेल तर निर्णय घेण्यास उशीर करू नका. विवाहासंबंधी बोलणी यशस्वी होतील. विद्यार्थ्यांसाठी आणि स्पर्धा परीक्षांमध्ये बसलेल्या विद्यार्थ्यांसाठी हा काळ अत्यंत शुभ आहे. सरकारी नोकरीसाठी प्रयत्न केल्यास यश मिळेल.
कुंभ राशीवर शुक्र संक्रमणाचा प्रभाव
शुक्र संक्रमणाचा कुंभ राशीच्या लोकांवर चांगला प्रभाव पडणार आहे. आध्यात्मिक दिशेने प्रगती होईल. परदेशात राहणारे मित्र किंवा नातेवाईक यांच्याकडून तुम्हाला मदत मिळेल. विद्यार्थी परदेशात जाऊन शिक्षण घेण्याचा प्रयत्न करत असतील तर संधी अनुकूल आहे. परदेशी नागरिकत्वासाठी केलेल्या प्रयत्नांना यश मिळेल. धार्मिक ट्रस्ट किंवा अनाथ आश्रम येथे दान-पुण्य कराल. तुम्हाला सरकार दरबारी टेंडरसाठी अर्ज करायचा असेल, तर ग्रह अनुकूल आहेत आणि इच्छित फळ मिळेल.