Stree 2 Box Office Collection: राजकुमार राव आणि श्रद्धा कपूर यांच्या ‘स्त्री २’ चित्रपटाने बॉक्स ऑफिसवर एक महिना पूर्ण केला असून तो जबरदस्त ब्लॉकबस्टर ठरला आहे. सिनेमाची कमाई थांबतच नाही. जाणून घेऊ ‘स्त्री २’ चे बॉक्स ऑफिस कलेक्शन
हायलाइट्स:
- राजकुमार राव आणि श्रद्धा कपूरच्या ‘स्त्री २’ ने बॉक्स ऑफिसवर एक महिना पूर्ण केला.
- ‘स्त्री २’ची कमाई अजूनही थांबलेली नाही
- करिनाचा नुकताच प्रदर्शित झालेला ‘द बकिंगहॅम मर्डर्स’ही ‘स्त्री २’समोर फिका पडला झाला.
१५ ऑगस्टला स्वातंत्र्य दिनाच्या मुहूर्तावर रिलीज झालेला ‘स्त्री २’ ने आतापर्यंत अनेक विक्रम मोडीत काढले आहेत. आतापर्यंत या सिनेमाने ‘जवान’ आणि ‘पठाण’ ते ‘बाहुबली’, ‘टायगर जिंदा है’, ‘गदर २’ आणि अगदी ‘केजीएफ २’चे रेकॉर्ड मोडले आहेत.
३१व्या दिवसाचे कलेक्शन आणि ‘स्त्री २’ ची एकूण कमाई
Sacnilk च्या रिपोर्टनुसार, ‘स्त्री २’ ने पाचव्या आठवड्याच्या ३१ व्या दिवशी ५.२५ कोटी रुपयांची कमाई केली. आता चित्रपटाचे एकूण कलेक्शन ५४७.९५ कोटींवर पोहोचले आहे.
महिना उलटला तरीही बॉक्स ऑफिसवर स्त्री २ चेच राज्य, करीनाचा द’ बकिंगहॅम मर्डर्स’ही डब्बागुल
उरीचाही रेकॉर्ड मोडणार स्त्री
चौथ्या आठवड्यात ‘स्त्री २’ने कमाईच्या बाबतीत सर्वांनाच मागे टाकले. चौथ्या आठवड्यात सर्वाधिक कमाई करणारा हा एकमेव हिंदी चित्रपट ठरला आहे. आता सर्वांची नजर पाचव्या आठवड्याच्या कमाईवर आहे. विकी कौशलचा चित्रपट ‘उरी: द सर्जिकल स्ट्राइक’ने रिलीजच्या पाचव्या आठवड्यात सुमारे १९ कोटींची कमाई केली होती. तसेच, हा पाचव्या आठवड्यात सर्वाधिक कमाई करणारा हिंदी चित्रपट ठरला होता. पण ‘स्त्री २’ ने ज्या प्रकारे ५ व्या आठवड्यात प्रवेश केलाय त्यावरुन तो विकी कौशलच्या उरीलाही मागे टाकू शकतो.