Weekly Career Horoscope, 23 to 29 September 2024: सप्टेंबरच्या या आठवड्यात बुध आपल्या स्वराशीत अर्थात कन्या राशीत प्रवेश करणार आहे तसेच भद्र राजयोग तयार होणार आहे. कन्या राशीत बुधची स्थिती अत्यंत मजबूत मानली जाते आहे. तसेच भद्र राजयोगाच्या प्रभावामुळे मिथुन आणि तुळ सह या राशींसाठी आठवडा आर्थिक बाबतीत उत्तम असून धनलाभाचे योग आहेत. मेष ते मीन पर्यंत आर्थिक आणि करिअरच्या बाबतीत सर्व राशींसाठी आठवडा कसा असेल ते पाहूया, या आठवड्याचे आर्थिक राशीभविष्य पहा.
मेष साप्ताहिक आर्थिक राशिभविष्य : कार्यक्षेत्रात प्रगती, धनलाभाचा योग
या आठवड्यात मेष राशीच्या लोकांची कार्यक्षेत्रात प्रगती होणार असून एखाद्या तरुणाच्या मदतीने प्रोजेक्ट्स वेळेवर पूर्ण होणार आहे. आर्थिक बाबतीत धनलाभाचे शुभ योग आहेत. आरोग्याच्या दृष्टीने काळजी घेणे महत्त्वाचे आहे अन्यथा त्रास जास्त वाढेल. या आठवड्यात तुमच्यामुळे कुटुंबातील वातावरण आनंदी आणि समाधानी असेल. प्रवासाचा योग आहे आणि प्रवासात तुम्हाला लाभ होईल तसचे तुमचा मूड फ्रेश होईल. आठवड्याच्या शेवटी अहंकारी व्यक्तीसोबत सामना होण्याची शक्यता आहे.
वृषभ साप्ताहिक आर्थिक राशिभविष्य : आर्थिक प्रगती होणार
या आठवड्यात आर्थिक प्रगती होणार असून आर्थिक बाबतीत कुटुंबातील एखाद्या प्रभावी व्यक्तीची मदत मिळेल. या आठवड्यात केलेल्या प्रवासांमुळे शुभ परिणाम दिसतील. प्रेमसंबंध अधिक दृढ होणार असून तुमचे मन आनंदी असेल. ऑफिसच्या कामात संयम ठेवा, त्याचे चांगले परिणाम दिसतील. आर्थिक बाबतीत खर्च जास्त होऊ शकतो. आठवड्याच्या शेवटी कुटुंबासोबत फिरायला जाणार आहात. घरातील वातावरण समाधानी असेल.
मिथुन साप्ताहिक आर्थिक राशिभविष्य : कामे मार्गी लागतील, धनलाभाचा योग
मिथुन राशीच्या जातकांसाठी हा आठवडा उत्तम असून तुमच्यासाठी धनलाभाचे योग आहेत. बँक बॅलन्स वाढणार आहे त्यामुळे खूप आनंदी असाल. कार्यक्षेत्रात प्रगती होणार असून एका महिलेच्या मदतीमुळे तुम्ही कामे पटापट मार्गी लावणार आहात. भागीदारीत केलेली गुंतवणूक फलदायी असेल. प्रवासामुळे यश मिळेल आणि ताणतणाव कमी होईल. आठवड्याच्या शेवटी कुटुंबातील व्यक्तीकडून फसणूक होण्याची शक्यता आहे. तेव्हा काळजी घ्या.
कर्क साप्ताहिक आर्थिक राशिभविष्य : भागीदारीतील गुंतवणूक फलदायी
कर्क राशीसाठी हा आठवडा सुख-समृद्धीने भरलेला आहे. एखाद्या तरुणाच्या मदतीने प्रोजेक्ट्स पूर्ण होणार आहेत. आर्थिक बाबतीत भागीदारीत केलेली गुंतवणूक यश मिळवून देईल. धनवाढीसाठी एखाद्या तज्ज्ञाची मदत घ्यावी लागेल. प्रवासामध्ये आठवणींना उजाळा द्याल. प्रेमसंबंधांसाठी वातावरण अनुकूल आहे. कुटुंबातील एखाद्या तरुणाबद्दल तुम्हाला जास्तच काळजी वाटणार आहे. सर्दी-खोकला होण्याची शक्यता आहे तुम्ही काळजी घ्या. आठवड्याच्या शेवटी वेळ ठिक ठिक असेल.
सिंह साप्ताहिक आर्थिक राशिभविष्य : प्रवास टाळा, कुटुंबासोबत वेळ व्यतीत करा
सिंह राशीच्या लोकांसाठी हा आठवडा चांगला आहे. आर्थिक परिस्थितीमध्ये खूप सुधारणा होणार आहे. तसेच धनवाढीच्या अनेक संधी येणार आहेत. कार्यक्षेत्रात प्रगतीचे योग आहेत. या आठवड्यात तुमचे आरोग्य सुधारेल. तुम्ही प्रियजनांसोबत वेळ घालवला तर तुम्ही अधिक तणावमक्त राहणार आहात. कुटुंबात सुख-शांतीचे शुभ योग असून वातावरण समाधानी असेल. या आठवड्यात प्रवास टाळणे उत्तम आहे, अन्यथा त्रास होऊ शकतो. आठवड्याच्या शेवटी वेळ अनुकूल आहे.
कन्या साप्ताहिक आर्थिक राशिभविष्य : आर्थिक बाबतीत कुटुंबाचा पाठिंबा
कन्या राशीच्या लोकांसाठी हा आठवडा चांगला आहे. आर्थिक बाबतीत कुटुंबाचा पूर्ण पाठिंबा तुम्हाला मिळणार आहे. तुमचे मन प्रसन्न राहील. प्रवासाच्या सुरुवातीला मनात थोडी शंका किंवा भीती असेल पण काळजी करु नका सगळं काही ठिक होईल. या आठवड्यात तुम्हाला एखादे छोटेसे गिफ्ट मिळण्याची शक्यता आहे. कार्यक्षेत्रात काही कारणाने मन दुखावले जाण्याची शक्यता आहे. खर्च जास्त होणार आहेत त्याकडे कटाक्षाने लक्ष द्या. आठवड्याच्या शेवटी परिस्थिती सुधारणार असून वेळ चांगली आहे.
तुळ साप्ताहिक आर्थिक राशिभविष्य : सुख-समृद्धीने भरलेला आठवडा
तुळ राशीच्या लोकांसाठी हा आठवडा चांगला असून ऑफिसच्या कामात तुम्ही प्रगती करणार आहात. मातृतुल्य महिलेच्या मदतीने तुमची कामे मार्गी लागणार आहेत. ऑफिसमधील प्रोजेक्ट वेळेवर पूर्ण झाल्यामुळे तुमचा ताण कमी होईल. प्रेमसंबंधांमध्ये बहार येणार आहे. आरोग्यात सुधारणा आहे पण पथ्य आणि औषधे वेळेत घेणे. या आठवड्यात प्रवास करण्याचा विचार नक्की कराल आणि प्रवासात लाभ होईल. आर्थिक बाबतीत खर्च वाढण्याची शक्यता आहे. हा आठवडा तुमच्यासाठी सुख-समृद्धीने भरलेला असेल.
वृश्चिक साप्ताहिक आर्थिक राशिभविष्य : प्रोजेक्टमध्ये यश, पार्टीचा मूड
वृश्चिक राशीच्या लोकांसाठी हा आठवडा लाभदायक आणि प्रगतीकारक आहे. कार्यक्षेत्रात प्रगती असून प्रोजेक्टमध्ये यश मिळाल्यामुळे तुम्ही पार्टी मूडमध्ये असाल. आर्थिक बाबतीत हा आठवडा अत्यंत शुभ असून धनलाभाचे योग आहेत. घरच्यांसाठी भविष्यात गुंतवणूक करणार आहात. प्रेमसंबंधांमध्ये थोडे भांडण होईल पण संवादाद्वारे सगळे काही ठिक होईल. आरोग्याच्या दृष्टीने सर्दी-खोकल्यामुळे त्रास होण्याची शक्यता आहे.
धनु साप्ताहिक आर्थिक राशिभविष्य : थांबलेली कामे मार्गी लागतील
धनु राशीच्या लोकांसाठी हा आठवडा ठिक आहे. तुमची रखडलेली कामे मार्गी लागणार आहेत. मान-सन्मान वाढ होणार असून ऑफिसमधील विरोधक त्रास देणार नाहीत. या आठवड्यात सुख-समृद्धीचे शुभ योग असून आर्थिक बाबतीतही वेळ अनुकूल आहे. तुम्ही गृहसजावटीच्या वस्तू खरेदी करण्याचा विचार कराल. आरोग्याच्या बाबतीतही या आठवड्यात सुधारणा दिसेल. प्रवास करु नका तुम्हाला त्रास होण्याची शक्यता आहे. वाणीवर नियंत्रण हवे अन्यथा नातेवाईकांचे मन दुखावणार आहे. कुटुंबात थोडे टेन्शन असेल तसेच प्रेमसंबंध ठिक असतील.
मकर साप्ताहिक आर्थिक राशिभविष्य : आर्थिक बाबतीत सुधारणा
मकर राशीच्या लोकांसाठी हा आठवडा आर्थिक लाभ देणारा आहे. कार्यक्षेत्रात प्रगती आणि सुख-समृद्धीचे शुभ योग आहेत. आर्थिक बाबतीतही खूप सुधारणा आहे त्यामुळे तुम्ही आनंदी असाल. एखाद्या स्त्रीच्या मदतीने धनलाभ होण्याची शक्यता आहे. आरोग्यातही सुधारणा होईल. कुटुंबातील काही सदस्यामुळे तुमचे टेन्शन वाढणार आहे. प्रवासात सर्व काही ठीक असले तरी एखाद्या गोष्टीमुळे थोडा त्रास होऊ शकतो. प्रेमसंबंधांमध्ये थोडा त्रास आहे. तसेच आठवड्याच्या शेवटी खूप व्यस्त राहणार आहात.
कुंभ साप्ताहिक आर्थिक राशिभविष्य : ऑफिसच्या कामात प्रगती
कुंभ राशीच्या लोकांसाठी हा आठवडा चांगला आहे तुम्हाला प्रत्येक गोष्टीत कुटुंबाकडून भरपूर साथ मिळणार आहे. मन आनंदी राहणार असून कार्यक्षेत्रात प्रगती होईल. प्रेमजीवनात बहार येणार आहे. आरोग्याच्या बाबतीत सुधारणा असून तुम्ही मुलांच्या सहवासात राहा तुमचा तणाव हलका होईल. प्रवासामुळे यश मिळेल. या आठवड्यात खर्च जास्त होऊ शकतो, त्यामुळे लक्ष द्या. आठवड्याच्या शेवटी सुख-समृद्धीचे शुभ योग असून पालकांच्या आशीर्वादाने जीवनात यश मिळेल.
मीन साप्ताहिक आर्थिक राशिभविष्य : नवीन गुंतवणुकीतून चांगला फायदा
मीन राशीच्या लोकांसाठी हा आठवडा शुभ आहे. तुम्हाला धनलाभ होण्याची शक्यता आहे. नवीन गुंतवणुकीतून चांगला फायदा होईल. एखाद्या महिलेच्या मदतीमुळे आरोग्यात सुधारणा होईल. कुटुंबात आनंदाचे वातावरण असेल आणि प्रियजनांच्या सान्निध्यात राहिल्यामुळे तुमचा ताण कमी होईल. प्रवासा केल्यामुळे तुम्हाला फायदा होईल. प्रेमसंबंधांमध्ये आनंद असेल. आठवड्याच्या शेवटी एखाद्या बातमीमुळे मन दु:खी होऊ शकते.