Navra Maza Navsacha 2 Box Office Collection: नवरा माझा नवसाचा २ हा बहूप्रतिक्षित सिनेमा रिलीज झाला असून प्रेक्षकांचाही सिनेमाला उत्तम प्रतिसाद मिळत आहे.
या वेळच्या सिनेमात थोडा बदल झाला आहे. आधीच्या सिनेमात गणपतीपुळे पर्यंतचा प्रवास हा एसटी महामंडळाच्या बसने दाखवण्यात आलेला पण यावेळचा प्रवास ट्रेन मधला आहे. शिवाय काही जुन्या कलाकारांसोबतच नवीन कलाकार सुद्धा यात सहभागी झाले आहेत. वीस वर्षानंतर पुन्हा एकदा गणपती पुळेला निघालेला हा प्रवास थिएटर मध्ये सुद्धा चांगली गर्दी करतोय.
हा सिनेमा बॉक्स ऑफिसवरही चांगली कमाई करतोय. पहिल्या दोन दिवसांपेक्षा तिसऱ्या दिवशी सिनेमाची चांगली कमाई झाली. समोर आलेल्या कलेक्शननुसार सिनेमाने रिलीजच्या दिवशी १.८५ कोटींची कमाई केलेली. त्यानंतर दुसऱ्या दिवशी शनिवारी कमाईत आणखी थोडी वाढ झाली आणि सिनेमाने २.५ कोटी कमावले. तिसऱ्या दिवशी रविवारी सिनेमाने ३.८५ कोटी रुपये कमावले. त्यामुळे आतापर्यंत ३ दिवसांत या सिनेमाने ८.२ कोटींची कमाई केली आहे.
पुळ्याचा गणपती पावला! नवरा माझा नवसाचा २ तिसऱ्या दिवशीही हाऊसफुल्ल, केली इतकी कमाई
नवरा माझा नवसाचा या सिनेमाने १९ वर्षांपूर्वी कमावलेला चाहता वर्ग आजतागायत कायम आहे. किंबहूना आताची नवी पिढीसुद्धा आवडीने हा सिनेमा बघते. यावेळच्या भागात पहिल्या सिनेमातले अनेक कलाकार असले तरी काहींची उणीव नक्कीच जाणवते. नवरा माझा नवसाचा मध्ये प्रदिप पटवर्धन, कुलदिप पवार आणि सतिश तारेंनी महत्वाच्या भूमिका साकारलेल्या. पण हे तीनही कलाकार आता हयात नाहीत. यावेळी स्वप्निल जोशी, सिद्धार्थ जाधव आणि हेमल इंगळे यांसारख्या कलाकारांची नव्याने एण्ट्री झाली आहे.
यावेळी सचिन पिळगावकर, सुप्रिया पिळगावकर, अशोक सराफ, वैभव मांगले, विजय पाटकर, निर्मिती सावंत या जुन्या कास्टच्या भूमिका आहेतच शिवाय सचिन सुप्रिया यांची लेक श्रिया पिळगावकरचा कॅमिओ आहे.