Navra Maza Navsacha 2 Box Office Collection Day 5: नवरा माझा नवसाचा २ हा चित्रपट सध्या मराठी बॉक्स ऑफिसवर खूप गाजताना दिसतोय . कमाईच्या बाबतीतही हा सिनेमा आता वरचढ ठरताना दिसतोय.
‘नवरा माझा नवसाचा २’ या चित्रपटाला प्रेक्षकांचा मोठा प्रतिसाद मिळताना दिसतोय.पहिल्या चार दिवसांत चित्रपटानं बॉक्स ऑफिसवर चांगली कमाई केली आहे. हा चित्रपट २० सप्टेंबर रोजी फक्त महाराष्ट्रात प्रदर्शित झाला. असं असलं तरी या चित्रपटानं बॉक्स ऑफिसवर कमाई सकारात्मक आकडे कमावले आहेत.
रिलीज झाल्यानंतर पहिल्या दिवसापासूनच प्रेक्षकांनी नवरा माझा नवसाचा २ पाहायला सिनेमागृहात गर्दी केली आहे. सिनेमाचे मुंबईतले शो हाऊसफुल्ल होताना दिसतायत. मराठी चित्रपटांसाठी ही सुखावणारी गोष्ट आहे.
बजेट किती?
काही रिपोर्ट्सनुसार नवरा माझा नवसाचा २ या चित्रपटाचं बजेट हे ८ कोटींच्या जवळपास असल्याचं म्हटलं जात आहे. त्यामुळं चार दिवसातच या चित्रपटानं बजेट वसूल केल्याचं दिसून येत आहे.
Sacnilkच्या रिपोर्टनुसार वरा माझा नवसाचा २ चित्रपटानं पहिल्या दिवशी १.१० कोटींचा गल्ला जमवला होता. तर पाच दिवसात सिनेमा १० कोटींचा आकडा पार केला आहे.
सचिन आणि सुप्रिया पिळगांवकर यांनी या चित्रपटाची घोषणा केल्यापासूनच प्रेक्षकांमध्ये कमालीची उत्सुकता होती. सिनेमाची घोषणा झाल्यानंतर सोशल मीडियावर वाईट प्रतिक्रिया देखील येतात, पण तसं झालं नव्हतं. सुरुवातीपासूनच प्रेक्षकांनी सकारात्मपणे चित्रपटाचं स्वागत केलं होतं. हेच कमाईच्या आकड्यांमधूनही दिसून येत आहे.
‘Navra Maza Navsacha 2 ‘ बॉक्स ऑफिसवर सुसाट, पाच दिवसात बजेट वसूल, इतक्या कोटींची कमाई
कलाकारांची फौज
या चित्रपटात सुप्रिया आणि सुप्रिया यांच्यासोबतच महाराष्ट्र भूषण अशोक सराफ, स्वप्नील जोशी, हेमल इंगळे, निर्मिती सावंत, वैभव मांगले, सिद्धार्थ जाधवसारखी दमदार कलाकारांची फळी आहे.
बस नव्हे आता ट्रेन
‘नवरा माझा नवसाचा’ चित्रपटाची गोष्ट एसटी बसच्या प्रवासात घडली होती. आता या सिक्वलमध्ये चित्रपटाची कथा कोकण रेल्वे प्रवासात घडताना दिसतेय.