Navra Maaza Navsaacha 2 Box Office Collection: ‘नवरा माझा नवसाचा २’ हा सिनेमा २० सप्टेंबर रोजी प्रदर्शित झाला. या सिनेमाने आतापर्यंत किती कमाई केली, घ्या जाणून.
Sacnilk च्या वृत्तानुसार, २० सप्टेंबर रोजी सिनेमा रीलिज झाला त्यादिवशी १.८५ कोटी कमाई केली. त्यानंतर दुसऱ्या आणि तिसऱ्या दिवशी २.५ कोटी आणि ३.७५ कोटी कमाई केली. यानंतर चौथ्या दिवसापासून कमाई घटली. चौथ्या दिवशी १.२ कोटी, पाचव्या दिवशी १.१ कोटी, सहाव्या दिशी ९५ लाख आणि सातव्या दिवशी ९ लाखाची कमाई झाली. एकूण ७ दिवसात भारतातील नेट कलेक्शन १२.२५ कोटी झाले आहे, तर ग्रॉस कलेक्शन १४.५० कोटी झाले आहे.
दरम्यान सिनेमाच्या टीमने शेअर केलेल्या पोस्टनुसार सिनेमाची ग्रॉस कमाई १४.३६ कोटी झाली आहे. सचिन पिळगांवकर आणि स्वप्नील जोशीनेही ही पोस्ट शेअर केली आहे.
‘नवरा माझा नवसाचा २’साठी सोशल मीडियावर संमिश्र प्रतिक्रिया मिळाल्या आहेत. काहींनी सिनेमाचे कौतुक केले आहे, तर काहींनी पहिल्या सिनेमाशी तुलना करत हा सिनेमा आवडला नसल्याचेही म्हटले आहे. असे असले तरी बहुतांश ठिकाणी सिनेमागृहांमध्ये ‘नवरा माझा नवसाचा २’साठी गर्दी पाहायला मिळते आहे.
दरम्यान सिनेमाच्या कास्टबद्दल बोलायचे झाल्यास, दुसऱ्या भागात सचिन पिळगावकर, सुप्रिया पिळगावकर, अशोक सराफ, निर्मिती सावंत, वैभव मांगले या पहिल्या भागातील स्टारकास्टसह स्वप्निल जोशी, हेमल इंगळे, सिद्धार्थ जाधव, हरिश दुधाणे यांसारखे कलाकारसुद्धा आहेत.