Venus Transit 2024 scorpio : शुक्र ग्रह 13 ऑक्टोबर रोजी वृश्चिक राशीत संक्रमण करणार आहे. ज्योतीष शास्त्रानुसार हा अत्यंत शुभ योग मानला जातो. शुक्र ग्रह वृश्चिक राशीत येवून गुरु सोबत समसप्‍तक योग तयार करतो आहे. सध्या गुरु वृषभ राशीत संक्रमण करत आहेत. खरंतर ज्योतीष शास्त्रानुसार शुक्र आणि गुरु एकमेकांचे विरोधक मानले जातात पण जेव्हा या दोघांमध्ये समसप्‍तक योग तयार होतो तेव्हा त्यांच्यातील शुभ प्रभावात वृद्धी होते. शुक्राच्या संक्रमणामुळे वृषभ आणि वृश्चिक सह या 5 राशींचे भाग्य चमकणार आहे. पुढच्या 25 दिवसात तुम्हाला खुषखबर मिळणार आहे.
वृषभ राशीवर शुक्र संक्रमणाचा प्रभाव
शुक्र संक्रमण वृषभ राशीच्या जातकांसाठी खूप शुभ ठरणार आहे. तुमच्या तब्येतीत सुधारणा होईल. तुम्ही जो काही निर्णय घ्याल त्यामुळे फायदा होणार आहे. तुमचे ऑफिसमध्ये कौतुक होईल. कार्यक्षेत्रात प्रगती असून व्यवसायात उत्तम यश आहे. नवीन व्यवसाय सुरु करण्याचा विचार करत असाल तर वेळ उत्तम आहे. कोर्ट कचेरीचा निकाल तुमच्या बाजूने येण्याचे संकेत आहेत. या कालावधीत जास्त उधारी करु नका, दिलेले धन परत येताना तुम्हाला खूप कष्ट करावे लागतील.
कर्क राशीवर शुक्र संक्रमणाचा प्रभाव
शुक्राचे संक्रमण कर्क राशीच्या विद्यार्थ्यांसाठी तसेच ज्यांनी स्पर्धा परिक्षा दिलेली आहे त्यांच्यासाठी उत्तम आहे. परिक्षेचा निकाल तुमच्या बाजूने आणि सर्वोत्तम असेल. लवलाइफ चांगली असेल. तुम्ही प्रेमविवाह करण्याचा ठरवला असेल तर कालावधी उत्तम आहे. मुलांसंदर्भातील चिंता कमी होतील. कुटुंबातील ज्येष्ठ व्यक्ती तसेच मोठे भाऊ यांचे सहकार्य मिळेल. व्यवसायात तुम्ही गुंतवणूक करण्याचा विचार करत असाल तर कालावधी उत्तम आहे. तुम्हाल भविष्यात चांगला लाभ होईल.
सिंह राशीवर शुक्र संक्रमणाचा प्रभाव
वृश्चिक राशीमधील शुक्राचे संक्रमण तुमच्यासाठी शुभलाभाचा परिणाम घेवून येणार आहे. जमीन, मालमत्ता किंवा वडिलोपार्जीत संपत्ती संदर्भातील प्रकरण मार्गी लागणार आहे. सरकारी प्रोजेक्टमध्ये तुम्ही गुंतवणूक करण्याचा विचार करत असाल, त्या संदर्भात टेंडर भरायचे असेल तर वेळ उत्तम आहे. तुम्ही दुसऱ्या देशाचे नागरिकत्व मिळविण्याचा विचार करत असाल तर शुभवेळ आहे. व्यवसायात तुम्हाला उत्तम नफा होणार आहे तसेच गाडी खरेदी करण्याचे योग आहेत.
वृश्चिक राशीवर शुक्र संक्रमणाचा प्रभाव
शुक्राचे वृश्चिक राशीमधील संक्रमण तुमच्यासाठी उत्तम फलदायी असणार आहे. तुम्ही जे काही काम हातात घेणार ते पूर्ण होणार आहे. विद्यार्थ्यांना परिक्षेत उत्तम यश मिळेल. तुम्ही मौल्यवान वस्तूंची खरेदी करणार आहात. तुमच्या ऐषोआरामात वाढ होईल. एखाद्या मोठ्या प्रोजेक्टवर स्वाक्षरी करायची असेल आणि तुम्ही चांगली वेळ पाहत असाल तर हा कालावधी उत्तम आहे. आर्थिक स्थिती सुधारणार असून तुम्ही गुंतवणुकिचा नक्की विचार करा. शुक्र संक्रमणामुळे दिवाळीच्या आधी तुम्हाला खूप लाभ होणार आहे.
मकर राशीवर शुक्र संक्रमणाचा प्रभाव
वृश्चिक राशीमधील शुक्राचे संक्रमण मकर राशीच्या जातकांसाठी शुभलाभ घेवून येणारे आहे. शैक्षणिक क्षेत्रात तुम्हाला उत्तम यश मिळेल. ऑफिसच्या कामात वरिष्ठांचे सहकार्य मिळेल त्यामुळे तुमची कामे पटापट मार्गी लागतील. मुलांप्रती तुमच्या जबाबदाऱ्या तुम्ही व्यवस्थीत पूर्ण करणार आहात. सरकारी टेंडर भरायचा असेल तर कालावधी उत्तम आहे. तुम्हाला मनाप्रमाणे कार्यक्षेत्रात सफलता मिळणार आहे. सरकारी नोकरीसाठी अर्ज करायचा असेल तर वेळ उत्तम आहे. आर्थिक स्थिती सुधारणार आहे.