Dharmaveer vs dharmaveer 2 box office collection: ‘धर्मवीर २ – साहेबांच्या हिंदुत्वाची गोष्ट’ हा चित्रपट २७ सप्टेंबरला जगभरात प्रदर्शित करण्यात आला. पहिल्या तीन दिवसांत सिनेमाला प्रेक्षकांचा उदंड प्रतिसाद मिळाला होता.
‘धर्मवीर: मुक्काम पोस्ट ठाणे’ या सिनेमानं बॉक्स ऑफिसवर चांगली कमाई केली होती. या चित्रपटानं बॉक्स ऑफिसवर २३ कोटींच्या जवळपास कमाई केल्याचं म्हटलं गेलं होतं. आता धर्मवीर २ प्रदर्शित होऊन दोन आठवडे उलटून गेले आहेत या दुसऱ्या भागानं केवळ १३ कोटींची कमाई केली आहे. त्यामुळं पहिल्या भागापेक्षा दुसऱ्या भागाला प्रेक्षकांचा कमी प्रतिसाद मिळाल्याचं दिसून येतंय.
‘धर्मवीर: मुक्काम पोस्ट ठाणे’च्या तुलनेत मागे पडला ‘धर्मवीर २’, तेराव्या दिवशी फक्त इतकीच कमाई
‘धर्मवीर २’ची कमाई किती?
पहिल्या दिवशी धर्मवीर २ चित्रपटानं १ कोटी ७५ लाखांची रेकॉर्डब्रेक कमाई केली होती. पहिल्या आठवड्यात चित्रपटानं १० कोटी ९४ कोटींचा गल्ला जमवला. पण दुसऱ्या आठवड्यात सिनेमाच्या कमाईत मोठी घसरण झाल्याचं दिसून आलं.
आठव्या आणि नवव्या दिवशी सहा लाख कमाई झाल्यानंतर १० व्या दिवशी सिनेमाची कमाई वाढली , सिनेमानं ७३ लाखांची कमाई केली. त्यानंतर ११ व्या दिवशी १७ लाख, १२ व्या दिवशी १५ लाखांची कमाई सिनेमानं केली. तर तेराव्या दिवशी सिनेमानं फक्त ११ लाखांचा गल्ला जमवला आहे. आतापर्यंत एकूण कमाई ही १३ कोटी ३१ लाखांच्या जळपास झाली आहे.
आकड्यांवरून धर्मवीर २ हा सिनेमा पहिल्या भागाच्या तुलनेत मागे पडल्याचं दिसून येतंय.
सिनेमाचा वाद
तर धर्मवीर २ सिनेमा घोषणा झाल्यापासून वादात अडकला. ट्रेलरमधल्या चुका, राजकीय हस्तक्षेप यामुळं सिनेमावर टीका करण्यात आली होती.