Laxmi Narayan Rajyog October 2024 : ज्योतिषशास्त्रानुसार आज सकाळी ११ वाजून १० मिनिटांनी तुळ राशीत बुधाचे संक्रमण झाले आहे. तसेच या ठिकाणी बुधासह शुक्र देखील तुळ राशीत आहे. बुध आणि शुक्राच्या संयोगामुळे लक्ष्मी नारायण राजयोग तयार झाला आहे. मेष, मिथुन, सिंहसह ६ राशींना बुधाच्या संक्रमणाचा फायदा होईल. या राशीच्या लोकांवर लक्ष्मी नारायण राजयोगाचा सर्वाधिक प्रभाव दिसून येईल.
ज्योतिषशास्त्रानुसार आज सकाळी ११ वाजून १० मिनिटांनी तुळ राशीत बुधाचे संक्रमण झाले आहे. तसेच या ठिकाणी बुधासह शुक्र देखील तुळ राशीत आहे. बुध आणि शुक्राच्या संयोगामुळे लक्ष्मी नारायण राजयोग तयार झाला आहे.
लक्ष्मी नारायण राजयोगामुळे काही राशींना फायदा होईल. बुध ग्रह हा ज्ञान, व्यवसाय आणि बुद्धिमत्तेचा कारक मानला जातो. त्यामुळे मेष, मिथुन, सिंहसह ६ राशींना बुधाच्या संक्रमणाचा फायदा होईल. या राशीच्या लोकांवर लक्ष्मी नारायण राजयोगाचा सर्वाधिक प्रभाव दिसून येईल. जाणून घेऊया १२ राशींना कसा फायदा होईल त्याविषयी
मेष राशीवर बुध संक्रमणाचा प्रभाव
मेष राशीच्या लोकांसाठी बुधाचे संक्रमण सप्तम भावात होणार आहे. बुधाच्या संक्रमणामुळे तुम्हाला प्रवास करावा लागेल. फिरायला जाण्याचा प्लान कराल. प्रवासामुळे तुम्हाला फायदा होईल. आर्थिक लाभ होण्याची शक्यता आहे. मित्रांकडून सहकार्य मिळेल. वैयक्तिक आयुष्य चांगले राहिल. जोडीदाराचे सहकार्य मिळेल.
वृषभ राशीवर बुध संक्रमणाचा प्रभाव
वृषभ राशीच्या लोकांसाठी बुधाचे सहाव्या घरात संक्रमण होणार आहे. यामुळे तुम्हाला आर्थिक समस्यांना सामोरे जावे लागेल. तुमच्या गरजा पूर्ण करण्यासाठी कर्ज घ्यावे लागेल. तुमचे विचार सकारात्मक ठेवण्याचा प्रयत्न करा, तरच तुम्हाला यश मिळेल. व्यावसायिकांना यश मिळेल. वैयक्तिक आयुष्यात अडचणी येतील. जोडीदाराशी संबंध बिघडतील.
मिथुन राशीवर बुध संक्रमणाचा प्रभाव
पाचव्या घरात मिथुन राशीत बुधाचे संक्रमण होईल. त्यामुळे तुम्हाला सर्व कामात यश मिळेल. नोकरदार लोकांना दीर्घकाळ मेहनतीचे फळ मिळणार आहे. या काळात तुम्हाला आर्थिक लाभ होण्याची शक्यता आहे. तुम्ही पैसे वाचवण्याचा प्रयत्न कराल. वैयक्तिक आयुष्य पूर्वीपेक्षा जास्त चांगले राहिल. जोडीदारासोबत वेळ घालवाल. आरोग्याच्या समस्या होतील.
कर्क राशीवर बुध संक्रमणाचा प्रभाव
कर्क राशीच्या लोकांना या काळात सुखसोयींचा अभाव जाणवेल. कौटुंबिक समस्यांमुळे तुम्हाला थोडा ताण येईल. नोकरदार लोक या काळात कठीण परिश्रम करतील. तुमचा मान कमी होईल. जोडीदारासोबतचे नाते सौहार्दाचे असेल. तुमचा समन्वय कमी होईल. आरोग्याची काळजी घ्या.
सिंह राशीवर बुध संक्रमणाचा प्रभाव
बुधाचा तिसऱ्या घरात संक्रमण होणार आहे. या काळात तुम्हाला वैयक्तिक विकासाच्या बाबतीत यश मिळेल. बुधाचे संक्रमण तुमच्यासाठे चांगले ठरेल. तुम्हाला आर्थिक लाभ होतील. व्यावसायिकांना चांगला नफा होईल. जोडीदाराशी तुमचे संबंध सुधारतील. आरोग्य चांगले राहिल. आत्मविश्वास वाढेल
कन्या राशीवर बुध संक्रमणाचा प्रभाव
कन्या राशीत दुसऱ्या घरात बुधाचे संक्रमण झाले आहे. या काळात चांगला आर्थिक लाभ मिळेल. कुटुंबात आनंदाचे वातावरण राहिल. नोकरदार लोकांसाठी हा काळ भाग्यवान असेल. नोकरदार लोकांना लांबच्या प्रवासाला जावे लागेल. प्रवास फायदेशीर ठरतील. व्यावसायिकांना जास्तीत जास्त नफा कमावण्यात यश मिळेल. तुमचे वैयक्तिक नाते घट्ट होतील.
तुळ राशीवर बुध संक्रमणाचा प्रभाव
तुळ राशीच्या लोकांच्या पहिल्या घरात बुधाचे संक्रमण झाले आहे. त्यामुळे हा काळ तुमच्यासाठी भाग्याचा ठरणार आहे. बुधाच्या प्रभावामुळे अचानक आर्थिक लाभ होईल. तुमची आर्थिक स्थिती चांगली राहिल. तुम्ही चांगल्या ठिकाणी गुंतवणूक करु शकता. लांबचा प्रवास करावा लागेल. जोडीदाराचा प्रभाव तुमच्यावर सौम्य राहिल.
वृश्चिक राशीवर बुध संक्रमणाचा प्रभाव
वृश्चिक राशीत बाराव्या घरात बुधाचे संक्रमण होईल. त्यामुळे वडिलोपार्जित संपत्तीतून अनपेक्षित लाभ होतील. खर्चात वाढ होणार आहे. तुमचे आर्थिक संतुलन बिघडू शकते. खर्चाचा ताळमेळ घालव्यात अडचणी येतील. खर्च उत्पन्नापेक्षा जास्त असेल. जोडीदारासोबत वाद होतील.
धनु राशीवर बुध संक्रमणाचा प्रभाव
बुधाचे संक्रमण धनु राशीत अकराव्या स्थानात होईल. त्यामुळे नवीन मित्र बनवण्यात यशस्वी व्हाल. तुमच्यात आत्मविश्वा वाढेल. नोकरदार लोकांना त्यांच्या नोकरीत बढतीची शक्यता आहे. आर्थिक बाबींमध्ये सर्व इच्छा पूर्ण होतील. जोडीदारासोबतचे नाते घट्ट होईल.
मकर राशीवर बुध संक्रमणाचा प्रभाव
मकर राशीच्या लोकांच्या दहाव्या घरात बुधाचे संक्रमण होईल. त्यामुळे तुम्ही भाग्यवान ठराल. करिअरमध्ये परदेशात जाण्याची संधी मिळेल. व्यावसायिकांसाठी हा काळ उत्तम असेल. तुमचे अनेक मोठे सौदे फायनल होतील. आर्थिक बाबी चांगली असेल. या काळात तुमचे आरोग्यही चांगले राहणार आहे.
कुंभ राशीवर बुध संक्रमणाचा प्रभाव
कुंभ राशीत नवव्या घरात बुधाचे संक्रमण होईल. या काळात आध्यात्माकडे अधिक लक्ष द्याल. व्यवसाय करणाऱ्यांना चांगला नफा मिळेल. व्यवसायात तुमचा दृष्टीकोन इतरांपेक्षा वेगळा असेल. जोडीदाराचे सहकार्य मिळेल. आरोग्य चांगले राहिल.
मीन राशीवर बुध संक्रमणाचा प्रभाव
मीन राशीच्या लोकांसाठी बुधाचे संक्रमण आठव्या भावात असेल. त्यामुळे तुम्हाला अनेक प्रकारच्या समस्यांना सामोरे जावे लागेल. आरोग्याची काळजी घ्या. व्यवासायिकांना त्रास सहन करावे लागेल. आर्थिक स्थितीवर परिणाम होईल. उत्पन्न आणि खर्च जास्त राहिल.