आजचे अंकभविष्य, 11 ऑक्टोबर 2024: अहंकाराला दूर ठेवा, कामे मार्गी लागतील! गुंतवणूक करताना कागदपत्रे तपासा! जाणून घ्या, अंकशास्त्रानुसार तुमचे राशीभविष्य

मूलांक 1 असलेल्यांसाठी आजचा दिवस चांगला असून आर्थिक स्थिती उत्तम असेल. धनलाभाचे योग असून धन प्राप्ती करताना तुम्हाला येत असणाऱ्या अडचणी दूर होणार आहेत. व्यापाऱ्यांसाठी आजचा दिवस उत्तम आहे, तसेच तुम्ही व्यापार विस्तारासाठी गुंतवणूक करु शकता तुम्हाला त्याचा लाभ मिळेल. तुम्ही ऑफिसमध्ये अती उत्साहाने काम कराल आणि तुमचा आत्मविश्वास द्विगुणीत होईल. ऑफिसमध्ये कौतुक होणार असून सहकारी कामात मदत करतील. कुटुंबासोबत दिवस ठिक असून जोडीदारासोबत दिवस आनंदात व्यतीत होणार आहे.

मूलांक 2 असणाऱ्या जातकांसाठी आजचा दिवस चांगला आहे. तसेच आर्थिक दृष्टीकोनातून दिवस तुमच्याबाजूने असेल. तुम्ही जे काही काम कराल त्यात यश आणि नशिबाची साथ आहे. तुमचे पेंडिंग पेमेंट मिळेल त्यामुळे तुम्ही आनंदी असाल. नोकरदारांसाठी प्रगतीचे मार्ग खुले होणार आहेत. भावनात्मक होवून निर्णय घेवू नका. कौटुंबिक जीवनात आनंद असून जोडीदारासोबत संबंध अधिक दृढ होतील.

मूलांक 3 असणाऱ्या जातकांसाठी आजचा दिवस सामान्य आहे. आज तुमच्या ज्ञानाचा तसेच कर्तृत्वाचा तुम्हाला गर्व होण्याची शक्यता आहे पण त्यामुळे कार्यक्षेत्रात तुम्ही स्वतःसाठी अडचणी उभ्या करणार आहात. आर्थिक बाबतीत दिवस सामान्य असून गुंतवणूक करण्यापूर्वी कागदपत्र वाचून घ्या तसेच तज्ज्ञाचा सल्ला गरजेचा आहे. कुटुंबासोबत दिवस सामान्य असून जोडीदारासोबत संबंध ठिक असतील.

मूलांक 4 साठी आजचा दिवस उत्तम आहे. तुम्ही हुशारीने आणि तत्परतेने सगळी कामे व्यवस्थीत मार्गी लावाल. तुम्ही खूप उत्साहाने सगळी कामे आज पूर्ण करणार आहात. ऑफिसमध्ये तुमच्या कामाचे कौतुक होणार आहे. तुमच्या बोलण्याने अनेकजण प्रभावीत होतील. आज आईला एखादी भेटवस्तू द्या भविष्यात तुमच्यासाठी ही गोष्ट लाभदायक असेल. कुटुंबासोबत दिवस चांगला व्यतीत होणार आहे. जोडीदारासोबत संबंध चांगले असतील.

मूलांक 5 साठी आजचा दिवस चांगला असून नशिब तुमच्याबाजूने आहे. आर्थिक बाबतीत तुम्हाला यश मिळेल. शेअर बाजारात गुंतवणूक केली तर नफा होण्याची शक्यता आहे. ऑफिसमध्ये वातावरण ठिक असेल. कुटुंबासोबत मनोरंजनाच्या कार्यक्रमाला जाणार आहात. घरातील वातावरण आनंदी आणि समाधानी असेल. जोडीदाराचा मानसन्मान करा, त्यांच्याशी वाद घालू नका.

मूलांक 6 साठी आजचा दिवस सामान्य असून व्यापाऱ्यांसाठी अनुकूल काळ आहे. व्यवसायात प्रगती होणार असून नवीन प्रस्ताव येतील त्याचा स्विकार करा तुम्हाला लाभ होतील. तुम्ही आज खूप उत्साहात सगळी कामे करणार आहात. आर्थिक बाबतीत दिवस ठिक असून धनसंपत्ती अडकण्याची शक्यता आहे. कुटुंबात तुमचा वाद होण्याची शक्यता आहे तुम्ही शांत राहा आणि अपशब्द बोलू नका. जोडीदाराकडे मन मोकळे करा त्यामुळे तुम्हाला फायदा होईल.

मूलांक 7 साठी आजचा दिवस चांगला आहे. तुमच्यातील अहंकार आज उफाळून येण्याची शक्यता आहे. अहंकार मनात ठेवू तुम्ही काम केले तर ते काम बिघडू शकते. तुम्ही अहंकाराला दूर ठेवा, कामे पटापट मार्गी लागतील आणि दिवस उत्तम असेल. आर्थिक बाबतीत दिवस सामान्य आहे. गुंतवणुकिचा विचार कराल पण प्रत्येक्ष करताना पेपर नीट तपासून पाहा. घरातील एखाद्या व्यक्तीसोबत वाद होण्याची शक्यता आहे, तुम्ही शांत राहा. जोडीदाराची प्रत्येक कामात साथ असेल.

मूलांक 8 साठी दिवस आजचा दिवस फारसा ठिक नाही. तुम्हाला एखाद्या ठिकाणावरून पेमेंट येणार असेल तर ते थांबेल त्यामुळे आर्थिक स्थीती आज फारशी ठिक नसेल. मानसिक ताण तणाव वाढल्यामुळे तुम्हाला त्रास होवू शकतो. तब्येत जास्त खराब आहे असे वाटले तर त्वरीत डॉक्टरांचा सल्ला घ्या. आज तुमची जास्त चिडचिड होण्याची शक्यता आहे. कुटुंबातील सदस्यांसोबत वैचारिक मतभेद होण्याची शक्यता आहे. आज कोणतेही काम करताना सावध आणि सतर्क राहा.

मूलांक 9 असलेल्या लोकांसाठी आजचा दिवस खूप चांगला आहे. तुम्ही प्रत्येक काम उत्साहाने आणि सकारात्मकपणे करणार आहात. तुमच्या कामातील जोश पाहता तुमचे ऑफिसमध्ये कौतुक होणार आहे. आर्थिक बाबतीत दिवस ठिक आहे. धनलाभाचे योग असून कुटुंबात वातावरण आनंदाचे असेल. शुभकार्यात सहभागी होण्याची संधी मिळेल त्यामुळे तुम्हाला प्रियजनांना भेटण्याची संधी मिळेल.