Weekly Career Horoscope, 21 To 27 October 2024: या आठवड्यात गौरी योग असल्यामुळे वृषभ,कर्कसह या 5 राशींचा भाग्योदय होणार आहे. प्रत्येक कामात नशिबाची उत्तम साथ तसेच धनसंपत्ती वाढण्याचे सुखद संकेत आहेत. करिअरमध्ये सफलता आणि व्यवसायात नफा आहे. चला तर जाणून घेवूया त्या 5 भाग्यवान राशी कोणत्या आहेत तसेच मेष ते मीन पर्यंत आर्थिक आणि करिअरच्या बाबतीत सर्व राशींसाठी हा आठवडा कसा असेल ते पाहूया, या आठवड्याचे आर्थिक राशीभविष्य पहा.
मेष साप्ताहिक आर्थिक राशिभविष्य : कामात प्रगती, तब्येतीत सुधारणा
मेष राशीच्या लोकांसाठी हा आठवडा उत्तम असून ऑफिसच्या कामात प्रगती होणार आहे. तुमचा ऑफिस आणि घरात मान-सम्मान वाढेल. या आठवड्यात तुम्ही तुमच्या कार्यक्षेत्रात नवीन पद्धतींनी काम कराल. आर्थिक परिस्थिती सुधारणार असून धनलाभाची स्थिती उत्तम आहे. लवलाइफ चांगले आहे तसेच प्रेमजीवनात सुख मिळेल. या आठवड्यात तुमच्या आरोग्यातही चांगला सुधार होईल. तुम्ही उत्तम स्वास्थ्यासाठी तुमच्या दैनंदिन जीवनशैलीत काही बदल करणार आहेत. कुटुंबाच्या तरुण सदस्यांकडून चांगली बातमी मिळणार आहे. मंगलकार्यासाठी प्रवास होणार आहे. आठवड्याच्या अखेरीस कोणत्या पितृतुल्य व्यक्तीसाठी मन दुःखी होवू शकते.
वृषभ साप्ताहिक आर्थिक राशिभविष्य : प्रवासामुळे यश, कामामुळे टेन्शन वाढणार
या आठवड्यात आर्थिक बाबतीत थोडाफार फायदा दिसून येतो आहे. कुटुंबासोबत तुमचे संबंध अधिक दृढ होतील. कुटुंबातील सदस्य तुम्हाला आनंदाची बातमी देणार आहेत त्यामुळे तुम्ही समाधानी असाल. या आठवड्यात प्रवास आहे आणि त्यातून यश मिळणार आहे. प्रेमात अहंकार आडवा येवू शकतो त्यामुळे एकटेपणाची भावना निर्माण होवू शकते. ऑफिसमध्ये कामाचा त्रास वाढणार आहे. वाईट बातमी कानावर आल्यामुळे मन दुःखी होईल. झोपेची समस्या होवू शकते डॉक्टरांचा सल्ला घ्या. आठवड्याच्या अखेरीस प्रवास आणि नवीन सुरुवात यामुळे मनात संभ्रम निर्माण होवू शकतो.
मिथुन साप्ताहिक आर्थिक राशिभविष्य : प्रगतीच्या दिशेने वाटचाल
मिथुन राशीच्या जातकांसाठी हा आठवडा चांगला आहे. तुम्ही प्रगतीच्या दिशेने वाटचाल करत आहात. जे प्रोजेक्ट हातात घ्याल ते पूर्ण होणार आहे. आर्थिक स्थिती अनुकूल असून धनलाभाचे योग आहेत. तब्येतती सुधारणा होणार आहे. प्रवासाचा योग असून प्रवासामुळे काही कामे मार्गी लागतील तसेच शुभलाभाचे संकेत आहेत. कुटुंबात काही संदेश पाठवायचा असेल किंवा काही बोलायचे असेल तर आधी ठरवा नक्की काय सांगायचे आहे कारण यामध्ये झालेली चूक आयुष्यभर त्रास देईल. प्रेमसंबंधात कोणत्यातरी बातमीमुळे मन दुःखी होऊ शकते. आठवड्याच्या अखेरीस घरात मंगलकार्य होण्याची शक्यता आहे.
कर्क साप्ताहिक आर्थिक राशिभविष्य : धनलाभाचा शुभयोग, रखडलेले पेमेंट होणार
कर्क राशीसाठी हा आठवडा चांगला असून प्रोजेक्टमध्ये यश मिळल्यामुळे तुम्ही रिलॅक्स असाल. आर्थिक लाभ होणार असून धनलाभाचा शुभयोग आहे. तुमचे रखडलेले पेमेंट मिळणार आहे. आरोग्यातही सुधार होणार आहे पण पथ्य व्यवस्थित सांभाळा. कुटुंबात तुम्हाला जसे बदल हवे आहेत तसे होणार नाहीत. प्रवासामुळे त्रास वाढू शकतो, त्यामुळे प्रवास टाळणे चांगले आहे. प्रेमसंबंधात काही तक्रार असेल पण टेन्शन घेवू नका. आठवड्याच्या अखेरीस सुख-समृद्धीचे शुभ योग आहेत.
सिंह साप्ताहिक आर्थिक राशिभविष्य : ऑफिसच्या कामात अहंकार नको
सिंह राशीच्या लोकांसाठी हा आठवडा आर्थिक बाबतीत शुभ आहे. बँक बॅलन्स वाढणार आहे. कुटुंबात वातावरण सुखद असून तुमचे मन प्रसन्न राहील. या आठवड्यात तब्येतीकडे कटाक्षाने लक्ष द्या. खाणे पिणे याबाबत सावध राहा. प्रेमसंबंधात काही बदल करण्यापूर्वी विचारपूर्वक निर्णय घ्या, अन्यथा त्रास होईल. ऑफिसमध्ये अहंकारामुळे त्रास होवू शकतो, म्हणून अहंकार करू नका. प्रवासात त्रास होण्याची शक्यता आहे त्यामुळे प्रवास टाळावा.
कन्या साप्ताहिक आर्थिक राशिभविष्य : अनावश्यक खर्चात वाढ
कन्या राशीच्या लोकांसाठी हा आठवडा आरोग्याच्या बाबतीत चांगला आहे. प्रेमसंबंध ठिक असतील. कुटुंबातील काही सदस्यांना तुम्ही एखादे काम करण्याचे वचन दिले असेल तर ते काम पूर्ण होताना दिसणार नाही, तेव्हा तुमच्या बाजूने बॅकअप प्लान तयार ठेवा. कार्यक्षेत्रात वरिष्ठ व्यक्तीसोबत अहंकारामुळे वाद होण्याची शक्यता आहे. त्यामुळे प्रोजेक्ट पूर्ण करण्यास वेळ लागेल. आर्थिक परिस्थिती फारशी ठिक राहणार नाही तसेच काही व्यक्तींमुळे अनावश्यक खर्च वाढू शकतो. आठवड्याच्या अखेरीस नुकसान होण्याची शक्यता आहे.
तुळ साप्ताहिक आर्थिक राशिभविष्य : कामाचे कौतुक, सुखद बातमी मिळणार
तुळ राशीच्या लोकांसाठी हा आठवडा चांगला आहे. ऑफिसच्या कामात प्रगती असून तुमचे प्रोजेक्ट वेळेवर पूर्ण होतील. तुमच्या कामाचे ऑफिसमध्ये कौतुक होणार आहे. आर्थिक बाबतीत परिस्थिती अनुकूल असून बँक बॅलन्स वाढणार आहे. प्रेमजीवनात रंगत वाढणार आहे. हा आठवडा प्रवासासाठी उत्तम असून प्रवासात यश मिळेल. कुटुंबासाठी काही करताना अहंकार दूर ठेवा म्हणजे चांगले परिणाम दिसतील. तब्येतीची काळजी घ्या कारण पाठदुखीचा त्रास होण्याची शक्यता आहे. आठवड्याच्या अखेरीस सुखद बातमी मिळणार आहे.
वृश्चिक साप्ताहिक आर्थिक राशिभविष्य : कार्यक्षेत्रात प्रगती,कुटुंबात आनंदी वातावरण
वृश्चिक राशीच्या लोकांसाठी हा आठवडा चांगला असून कार्यक्षेत्रात प्रगती होणार आहे. आठवड्याच्या सुरुवातीला तुम्हाला सुखद बातमी मिळण्याची शक्यता आहे. आर्थिक बाबतीत हळूहळू सुधारणा होणार आहे. कुटुंबात एखादा सदस्य तुम्हाला चांगली बातमी मिळणार आहे. पितृतुल्य व्यक्तीच्या आरोग्याबद्दल तुम्ही टेन्शन घेणार आहात. प्रवास टाळणे तुमच्यासाठी हिताचे असेल. प्रेमसंबंध ठिक असतील. आठवड्याच्या अखेरीस तुमच्या प्रियजनांसोबत सुखद वेळ घालवू शकाल.
धनु साप्ताहिक आर्थिक राशिभविष्य : धनलाभाचे योग, तब्येतीत सुधारणा
धनु राशीच्या लोकांसाठी हा आठवडा आर्थिक बाबतीत सुखद आहे. धनलाभाचे उत्तम योग आहेत. आरोग्या सुधारणा दिसते आहे तसेच उत्तम आरोग्यासाठी काही नवीन सुरुवात करणार आहात. प्रेमजीवन सुखी असले. या आठवड्यात प्रवासात यश मिळेल तसेच जुन्या आठवणींना उजाळा द्याल. कार्यक्षेत्रात थोडा त्रास आहे पण समस्या सुटतील. कुटुंबातील एखाद्या व्यक्तीबद्दल तुम्ही टेन्शन घेणार आहात. आठवड्याच्या अखेरीस कामात यश मिळेल.
मकर साप्ताहिक आर्थिक राशिभविष्य : काम करताना सतर्क राहा
मकर राशीच्या लोकांसाठी हा आठवडा चांगला असून ऑफिसच्या कामात एखाद्या महिलेमुळे त्रास होवू शकतो. प्रेमसंबंधात प्रॅक्टिकल निर्णय घेणे चांगले असेल. आर्थिक बाबतीत खर्च वाढणार आहे. तुमच्या आरोग्याकडे लक्ष देण्याची गरज आहे. काही त्रास होत असेल तर त्वरित डॉक्टरांचा सल्ला घ्या. कुटुंबातील एखाद्या व्यक्तीमुळे फसवणूक होऊ शकते, सावध राहा. प्रवासात त्रास आहे त्यामुळे प्रवास पुढे ढकलणे उत्तम आहे. आठवड्याच्या अखेरीस सुख-समृद्धीचे योग असून कामात प्रगती होईल.
कुंभ साप्ताहिक आर्थिक राशिभविष्य : कामात व्यस्त, कार्यक्षेत्रात प्रगती
कुंभ राशीच्या लोकांसाठी हा आठवडा उत्तम असून तुमची कार्यक्षेत्रात प्रगती होणार आहे. प्रोजेक्ट वेळेत पूर्ण झाल्यामुळे तुमचे ऑफिसमध्ये कौतुक होईल. या आठवड्यात तुमची काम वाढणार असून तुम्ही खूप व्यस्त राहणार आहात. आर्थिक स्थिती उत्तम असून धनलाभाचे योग आहेत. भागीदारीत केलेली गुंतवणुक लाभदायक असेल.आरोग्यात सुधारणा होणार आहे पण खाण्यापिण्याकडे लक्ष द्या. आरोग्यासंद४भात तज्ज्ञांचा सल्ला घ्या. प्रेमजीवनात सुखद अनुभव आहेत. प्रवासासाठी वेळ उत्तम आहे. आठवड्याच्या अखेरीस कोणतीतरी बातमी मन दुखवू शकते.
मीन साप्ताहिक आर्थिक राशिभविष्य : कार्यक्षेत्रात त्रास, कुटुंबात मतभेदाची शक्यता
मीन राशीच्या लोकांसाठी हा आठवडा ठिक असून प्रवासात तुम्हाला यश मिळणार आहे. प्रवासात जुन्या आठवणींना उजाळा मिळेल. आरोग्यात सुधार होईल फक्त पथ्य व्यवस्थित सांभाळा. डॉक्टरांचा सल्ला घ्या. प्रेमसंबंधात अहंकार आणू नका, नाते बिघडू शकते. आर्थिक बाबतीत थोडी निराशा आहे पण गुंतवणुकीकडे दुर्लक्ष करू नका. कार्यक्षेत्रात महिलेमुळे त्रास वाढू शकतो. कुटुंबात एखाद्या सदस्यासोबत मतभेद होण्याची शक्यता आहे. आठवड्याच्या अखेरीस वेळ अनुकूल असून सुख-समृद्धीचे योग आहेत.