मुख्यमंत्री एकनाथ शिंदे यांनी निवडणुकीआधी शिवसेना पक्षाची पहिली यादी जाहीर केली आहे. या यादीमध्ये शिंदेंना बंडात साथ दिलेल्या तीन आमदारांच्या नावांची पहिल्या यादीमध्ये घोषणा झालेली नाही. कोण आहेत ते आमदार जाणून घ्या.
हायलाइट्स:
- शिवसेना पक्षाची पहिली यादी जाहीर
- बंडात साथ दिलेल्या तीन आमदारांच्या नावांचा समावेश नाही
- तिन्ही आमदार वेटिंगवर, नेमकं काय कारण?
दुसरे कल्याण पश्चिमचे आमदार विश्वनाथ भोईर आहेत. विश्वनाथ भोईर यांना त्यांच्याच पक्षातुन आव्हान मिळताना दिसत आहे. कल्याण मधील शिंदेच्या सेनेचे कल्याण शहरप्रमुख आणि माजी सभागृहनेता रवी पाटील यांनी विधानसभा निवडणूक लढण्यासाठी तयारी केली असून त्यानी स्वतःचा प्रचारही सुरु केला आहे. भाजप माजी आमदार नरेंद्र पवारही कल्याण मधून निवडणूक लढण्यासं इच्छुक आहे. त्यामुळे भोईर यांची उमेदवारी लांबणीवर पडली नाही ना? अशी चर्चा सध्या कल्याणमध्ये सुरू आहे.
दरम्यान, या यादीमधील तिसरे नाव भिवंडी ग्रामीण मतदारसंघाचे शांताराम मोरे आहेत. २०१४ आणि २०१९ च्या निवडणुकीमध्ये शांताराम मोरे हे शिवसेनेच्या तिकीटावर निवडून आले आहेत. शिदेंनी बंड केले तेव्हा मोरेंनीही शिंदेंसोबत जाण्याचा निर्णय घेतला होता. आता या तिन्ही आमदारांना दुसऱ्या यादीमध्ये तिकिट मिळते की नाही याकडे सर्वांचं लक्ष लागलं आहे.